''माझ्या कोणत्याही ट्विटमुळे हिंसाचार नाही'', कंगनाचा मुंबई उच्च न्यायालयात दावा

''माझ्या कोणत्याही ट्विटमुळे हिंसाचार नाही'', कंगनाचा मुंबई उच्च न्यायालयात दावा

मुंबई: माझ्या कोणत्याही ट्विटमुळे  हिंसाचार झालेला नाही आणि त्यातून कोणत्याही प्रकारे गुन्हेगारी हेतू सिद्ध होत नाही, असा दावा मुंबई उच्च न्यायालयात अभिनेत्री कंगना राणावत हिच्या वतीने सोमवारी करण्यात आला.

वांद्रे न्यायालयाने कंगनाच्या काही ट्विट विरोधात फौजदारी फिर्याद नोंदविण्याचे आणि चौकशी करण्याचे आदेश मुंबई पोलिसांना दिले आहेत. याविरोधात कंगनाने एड रिझवान सिद्दीकी यांच्या मार्फत न्यायालयात याचिका केली आहे. याचिकेवर न्या एस.एस.शिंदे आणि न्या मनीष पितळे यांच्या खंडपीठापुढे याचिकेवर सुनावणी झाली. 

वांद्रे न्यायालयाने दिलेला गुन्हा दाखल करण्याचा निर्णय चुकीच्या आधारांवर आधारित आहे. माझ्या ट्विटमध्ये कोणत्याही प्रकारे गुन्हेगारी स्वरुपाचे नाही. तसेच त्यातून हिंसाचार, अशांतता निर्माण झाली नाही, असा युक्तिवाद एड सिद्दीकी यांनी कंगनाच्या वतीने केला. ट्विट केल्यानंतर असे काही घडले नाही त्यामुळे ते चुकीच्या पद्धतीने तपासण्यात आले आहेत, असा युक्तिवाद करण्यात आला.

फिटनेस ट्रेनर मुनावर अली यांनी कंगना आणि तिच्या बहिणीविरोधात तक्रार नोंदवली आहे. कंगनाने मुंबई पोलिस आणि मुंबईबाबत काही ट्विट केले. ज्यामुळे सामाजिक शांतता धोक्यात येत आहे असा आरोप केला आहे.

येत्या 26 तारखेपर्यंत कंगना आणि तिच्या बहिणीविरोधात कारवाई न करण्याचे निर्देश न्यायालयाने पोलिसांना दिले आहेत. कंगनाच्या ट्विट विरोधात अन्य न्यायालयातही तक्रारी दाखल आहेत.

----------------------------

(संपादन- पूजा विचारे)

kangana ranaut sedition case no violence because of my tweets Bombay High Court

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com