कल्याण- डोंबिवलीत डॉक्टरला कोरोनाची लागण; लसीकरणही झाले होते पूर्ण | corona update | Sakal
sakal

बोलून बातमी शोधा

doctor corona infected
कल्याण- डोंबिवलीत डॉक्टरला कोरोनाची लागण; लसीकरणही झाले होते पूर्ण

कल्याण- डोंबिवलीत डॉक्टरला कोरोनाची लागण; लसीकरणही झाले होते पूर्ण

डोंबिवली : कल्याण-डोंबिवली महापालिका (kdmc) हद्दीत गेल्या काही दिवसांपासून कोरोना बाधित रुग्णांचा (corona patients) आकडा वाढू लागला आहे. दोन दिवसांपासून कोरोना रुग्ण बाधित रुग्णांचा आकडा हा 200 च्यावर गेला आहे. त्यातच कल्याण-डोंबिवली महापालिकेच्या आरोग्य विभागातील एका डॉक्टरला कोरोनाची लागण (doctor corona infected) झाली आहे. या डॉक्टरने लसीचे दोन डोस (two dose vaccination) घेतले आहेत. लसीकरण पूर्ण झालेले असतानाही त्यांना कोरोनाची बाधा झाली आहे. (KDMC doctor corona infected even after taking two dose of vaccination)

हेही वाचा: भारतीय शेअर बाजार निर्देशांक दीड टक्क्यांहून जास्त; 929 अंशांची वाढ

कल्याण डोंबिवली महापालिकेच्या कल्याण मुख्यालयात आरोग्य विभागात काम करणाऱ्या एका डॉक्टरांना कोरोनाची बाधा झाली आहे. दोन दिवसांपासून त्यांना हलकीशी लक्षणे असल्याने त्यांनी कोरोना चाचणी करुन घेतली होती. सोमवारी त्यांचा अहवाल पॉझिटिव्ह आढळून आला आहे. गृह विलगीकरणात ते सध्या असून त्यांच्यावर कोरोनाचे उपचार सुरु आहेत. त्यांच्या कुटूंबातील त्यांची पत्नी आणि मुलीलाही लक्षणे असून त्यांचा अहवाल येणे अद्याप बाकी आहे.

यासोबतच आरोग्य विभागातील आणखी एका डॉक्टरांना कोरोनाची बाधा झाल्याची चर्चा सुरु होती. मात्र त्यांच्या नातेवाईंकामधील एका व्यक्तीचा अहवाल हा कोरोना पॉझिटिव्ह आढळून आल्याने सदर डॉक्टर काही दिवसांसाठी विलगीकरणात होते. त्यांना कोरोनाची लागण झाली नसल्याचे समजते.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top