डोंबिवली : डोंबिवली पश्चिमेतील (Dombivali west) ह प्रभागक्षेत्र ते मानकोली उड्डाणपूल रस्त्याची (Mankoli bridge reconstruction) दुरावस्था झाली होती. वर्दळीच्या या रस्त्याच्या पुनर्बांधणी कामासाठी कल्याण डोंबिवली महापालिकेने (KDMC) 1 कोटी निधी मंजूर (one crore fund) केला असून बुधवारी रस्त्याच्या कामाचा शुभारंभ करण्यात आला आहे. येत्या तीन महिन्यात रस्त्याचे काम पूर्ण होईल असा विश्वास यावेळी माजी स्थायी समिती सभापती दीपेश म्हात्रे (Dipesh Mhatre) यांनी व्यक्त केला.
डोंबिवली पश्चिमेतील ह प्रभाग कार्यालय ते मोठागांव मानकोली उड्डाणपूल हा रस्ता वाहतुकीच्या आणि रहदारीच्या दृष्टीने महत्वाचा रस्ता आहे. 2014 साली रस्त्याचे काम करण्यात आले होते. त्यानंतर पावसाळ्यात रस्त्याची दुरावस्था झाली होती. तसेच रस्त्याच्या खालील जलवाहिनी, मल निस्सारण वाहिनीचे काम झाले होते. यामुळेही रस्ता खराब झाला होता. या भागात रविवार, बुधवार आणि शुक्रवार असा बाजार भरतो. मच्छिमार्केट देखील येथे असल्याने रहदारी असते.
ठाकुर्ली उड्डाणपूल मार्गे नवापाडा, उमेशनगर, मोठागांव, जुनी डोंबिवली या भागात येणारी वाहने याच रस्त्यावरून येत असल्याने या रस्त्याची पुनर्बांधणी करण्यात यावी यासाठी माजी स्थायी समिती सभापती दीपेश म्हात्रे हे पाठपुरावा करीत होते. स्थायी समिती सभापती असताना त्यांनी या रस्त्यासाठी निधीची तरतूद देखील करून ठेवली होती. या कामास कल्याण डोंबिवली महापालिका बांधकाम विभागाने मंजुरी दिली असून 1 कोटीचा निधी ही मंजूर केला आहे.
या रस्त्याच्या पुनर्बांधणी कामाचा शुभारंभ बुधवारी दीपेश म्हात्रे यांच्या हस्ते करण्यात आला. यावेळी जयेश म्हात्रे, गोरखनाथ उर्फ बाळा म्हात्रे, पवन म्हात्रे, परेश म्हात्रे आदी उपस्थित होते. तीन प्रभागांचा असलेल्या या रस्त्याचे काम येत्या तीन महिन्यात पूर्ण होईल. काही नगरसेवक केवळ आश्वासन देतात पण काम मात्र शिवसेना करते असा टोला त्यांनी अप्रत्यक्षपणे भाजपाला लगावला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
