Kharghar Deaths : महाराष्ट्र भूषण सोहळ्यातल्या मृत्यूंबद्दल शिंदे सरकारचा महत्त्वाचा निर्णय

खारघर इथं महाराष्ट्र भूषण सोहळ्यादरम्यान उष्माघातामुळे १३ जणांचा मृत्यू झाला. यावरुन आता सध्या राज्यातलं वातावरण तापलेलं आहे. अशातच आता राज्य सरकारने या घटनेच्या चौकशीसाठी महत्त्वाचा निर्णय घेतला आहे.

खारघर इथं ‘महाराष्ट्र भूषण’ पुरस्कार सोहळ्यानंतर झालेल्या दुर्दैवी घटनेच्या संदर्भातील वस्तुस्थिती तपासण्याकरिता एक सदस्यीय समिती नियुक्त करण्यात येत आहे. महसूल विभागाचे अतिरिक्त मुख्य सचिव यांची ही समिती असेल. ही समिती एका महिन्याच्या मुदतीत याबाबतचा अहवाल सादर करेल.

भविष्यातील अशा प्रकारच्या समारंभाच्या आयोजनाच्या बाबतीत कोणत्या गोष्टींची काळजी- दक्षता घ्यावी, याबाबतही समिती शासनास शिफारशी करेल, असं सरकारकडून निवेदनाद्वारे कळवण्यात आलं आहे.