ठाणे : झोपडपट्टी पुनर्वसन प्रकल्पातील (एसआरए) इमारतीच्या बांधकामामुळे साठ वर्षांपूर्वीची पायवाट कोपरीकरांसाठी बंद झाली होती. गेल्या दीड वर्षापासून गायब झालेली ही पायवाट अखेर भाजपचे स्थानिक माजी नगरसेवक भरत चव्हाण यांच्या प्रयत्नामुळे खुली झाली आहे. कोपरीतील धोबी घाट येथील श्रमसाफल्य सोसायटीजवळचा रस्ता दीड वर्षापूर्वी एसआरए इमारतीच्या कामासाठी बंद करण्यात आला होता.