कोरेगाव भीमा आणि मराठा आंदोलन प्रकरणातील शेकडो गुन्हे मागे, गृहमंत्री म्हणतात...

कोरेगाव भीमा आणि मराठा आंदोलन प्रकरणातील शेकडो गुन्हे मागे, गृहमंत्री म्हणतात...

मुंबई - कोरेगाव भीमा प्रकरणावरून महाराष्ट्रातील राजकीय वातावरण चांगलंच तापलंय. कोरेगाव भीमा तपासावरून महाविकास आघाडीतील पक्षांमध्ये बिघाडी झालीये का असे देखील प्रश्न उपस्थित केले जातायत. अशात कोरेगाव भीमा प्रकरणी ज्यांच्यावर गुन्ह्यांची नोंद करण्यात आलेली त्यापैकी अनेकांचे गुन्हे मागे घेण्यात आलेत.

कोरेगाव भीमा प्रकरणातील 649 पैकी 348 गुन्हे मागे घेण्यात आले आहेत. विधान परिषदेत महाराष्ट्राचे गृहमंत्री अनिल देशमुख यांनी ही माहिती दिली आहे. महाराष्ट्र विधिमंडळाचे सध्या अर्थसंकल्पीय अधिवेशन सुरु आहे. या अधिवेशनादरम्यान गृहमंत्र्यांनी सदर माहिती दिली आहे.

यासोबतच मराठा आंदोलनातील 548 पैकी 460 गुन्हे मागे घेण्यात आले आहेत. याशिवाय नाणार आंदोलनातील 3 गुन्हे मागे घेतले असून शेतकरी आंदोलनातील गुन्हेदेखील मागे घेऊ, अशी ग्वाही अनिल देशमुख यांनी दिली यावेळी बोलताना दिली आहे.

दरम्यान शेकडो लोकांचे गुन्हे जरी मागे घेण्यात आले असले तरीही ज्यांनी पोलिसांवर हल्ला केला आहे अशा लोकांवरील गुन्हे मागे घेण्यात आलेले नाहीत. 

काय म्हणालेत अनिल देखमुख : 

  • भिमा कोरेगाव प्रकरणातील ६४९  पैकी ३४८ गुन्हे मागे घेण्यात आले आहे.
  • पोलिसांवर हल्ला केला त्यांच्यावरील गुन्हे मागे घेण्यात येणार नाही.
  • कोरेगाव भीमा प्रकरणी राज्य सरकार चौकशी करत होतं 
  • SIT स्थापन करून चौकशी करावी असं पत्र शरद पवार यांनी लिहिलं होतं.
  • मात्र या पत्रानंतर केंद्र सरकार ने तपास NIA कडे दिला.
  • महाराष्ट्र पोलिसांच्या माध्यमातून, अंतर्गत काही कारवाई करता येते का हे पाहणं महत्त्वाचं ठरणार आहे.
  • NIA कडे तपास देत असताना राज्य सरकारला विश्वासात घेतलं पाहीजे होते. 
  • राज्य सरकारला विश्वासात घेतलं गेलं नाही 

koregaon bhima and maratha agitation hundreds of cases are scrapped by maharashtra police

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com