कल्याणमध्ये दरड कोसळली; इशाऱ्याकडे नागरिकांचं दुर्लक्ष, अधिकारी हतबल | Sakal
sakal

बोलून बातमी शोधा

दरड कोसळली

कल्याणमध्ये दरड कोसळली; इशाऱ्याकडे नागरिकांचं दुर्लक्ष, अधिकारी हतबल

कल्याण : कल्याण पूर्वमधील हनुमान नगर कुष्ठ वसाहतजवळ मध्यरात्री दीडच्या सुमारास टेकडीवरील दगड आणि माती सरकल्याने एकच खळबळ माजली मात्र सुदैवाने कुठलेही जीवित अथवा वित्तहानी झाली नाही. खबरदारीचा उपाय म्हणून 5 कुटुंबाना स्थलांतरित करण्यात आले आहे.

कल्याण डोंबिवली शहरी आणि ग्रामीण भागात मागील 24 तासात 140 मिमी पाऊस पडला असून 1 जून पासून आत्तापर्यंत 1489 मिमि पाऊस पडल्याची नोंद झाली आहे . सोमवार 4 जुलै रोजी सायंकाळी पाच ते सहाच्या सुमारास कल्याण पूर्व मधील हनुमान नगर कुष्ठ वसाहत परिसरातील दरड कोसळली होती ती घटना ताजी असताना त्याच ठिकाणी आज मध्यरात्री दिडच्या सुमारास टेकडी वरील मोठे मोठे दगड आणि माती सरकून खाली आल्याने एकच खळबळ माजली.

या घटनेत सुदैवाने कुठलीही जीवितहानी किंवा वित्त हानी झाली नाही. घटनेची माहिती मिळताच अग्निशमन दलाचे प्रमुख नामदेव चौधरी , सहायक आयुक्त हेमा मुंबरकर यांचे पथक आणि एन डी आर एफ पथक प्रमुख राजेश यावले यांच्या पथकाने तेथील 5 कुटुंबातील नागरिकांना सुरक्षित ठिकाणी हलविले असून पुन्हा दुर्घटना घडू नाही म्हणून पाहणी करून उपाय योजना करू अशी माहिती एन डी आर एफ प्रमुख राजेश यावले यांनी दिली .

पालिका हतबल ...

दरड कोसळण्याच्या घटना पाहता दरवर्षी पावसाळ्यात पालिका तेथील रहिवाशांना नोटीस बजावते तरी तेथील नागरिक ऐकत नसल्याने पालिका अधिकारी हतबल झाले असून मोठी दुर्घटना घडल्यास कोण जबाबदार कोण असा सवाल केला जात आहे.

Web Title: Landslide In Kalyan Welfare Citizens Ignore Warning Officials

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top