आज आढळलेत 409 नवे कोरोना रुग्ण, मुंबईतील दररोजची कोविड रुग्णसंख्या पाचशेच्या आत

आज आढळलेत 409 नवे कोरोना रुग्ण, मुंबईतील दररोजची कोविड रुग्णसंख्या पाचशेच्या आत

मुंबई, ता. 16 : मुंबईत आज 409 नवे रुग्ण आढळले असून मुंबईतील एकूण रुग्णसंख्या 2 लाख 70 हजार 113 इतकी झाली आहे. आज मुंबईत 12 रुग्णांचा मृत्यू झाला असून मृतांचा आकडा 10 हजार 582 वर पोचला आहे. आज 529 रुग्ण बरे झाले असून आतापर्यंत 2 लाख 45 हजार 774 रूग्ण बरे होऊन घरी गेले. मुंबईतील रुग्ण बरे होण्याचा दर हा 91 टक्के इतका झाला आहे.

मुंबईत रुग्ण दुपटीचा दर 274 दिवसांवर गेला आहे. तर 15 नोव्हेंबरपर्यंत एकूण 16 लाख 89 हजार 205 कोविड चाचण्या करण्यात आल्या. तर 9 नोव्हेंबर ते 15 नोव्हेंबर दरम्यान कोविड रुग्णवाढीचा दर 0.25 इतका आहे.

मुंबईत आज नोंद झालेल्या 12 मृत्यूंपैकी 11 जणांना दीर्घकालीन आजार होते. आजच्या एकूण मृत्यू झालेल्या व्यक्तींमध्ये 11 पुरुष तर 1  महिलांचा समावेश होता. एकूण मृत झालेल्या 12 रुग्णांपैकी एकाचे वय 40 वर्षाखाली होते. तर 4 रुग्ण 40 ते 60 वर्षादरम्यान होते. 7 रुग्णांचे वय 60 वर्षांवर होते. 

मुंबईत 467 इमारती आणि झोपडपट्टया कंटेन्मेंट झोन म्हणून जाहीर करण्यात आले असून सक्रिय सीलबंद इमारतींची संख्या 5 हजार 707 इतकी आहे. कोरोनाबाधित रूग्णांच्या संपर्कात येणाऱ्या व्यक्तींची संख्या दिवसेंदिवस वाढत असून गेल्या 24 तासात बाधित रुग्णांच्या संपर्कात 3 हजार 816 अति जोखमीचे व्यक्ती आले आहेत. त्यामुळे कोविड केअर केंद्रात दाखल करण्यात येणा-यांची संख्या देखील वाढत असून आज कोविड काळजी केंद्र 1 मध्ये 401 अतिजोखमीचे संपर्क उपचारासाठी दाखल करण्यात आले आहेत.  

less than five hundred corona patients detected from mumbai

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com