मोबाइल नेटवर्कसाठी मुलं झाडावर चढली, अंगावर कोसळली वीज

पालघर: दरवर्षी पावसाळ्यात (rainy season) वीज अंगावर (Lightning) कोसळण्याच्या घटना घडत असतात. वीज अंगावर पडून होणाऱ्या दुर्घटनांमध्ये अनेकांना आपल्या प्राणाला मुकावे लागते. सोमवारी संध्याकाळी महाराष्ट्रातील पालघर (palghar) जिल्ह्यात वीज अंगावर पडून झालेल्या दुर्घटनेत एका १५ वर्षीय मुलाचा (boys) मृत्यू झाला, तर तीन मुलं जखमी झाली आहेत. (Lightning kills boy injures three after they climb tree for mobile network in Palghar)

मोबाइलचं नेटवर्क मिळवण्यासाठी मुलं झाडावर चढली होती. त्यावेळी ही दुर्देवी घटना घडली. सोमवारी संध्याकाळी डहाणू तालुक्यातील मानकरपाडा येथे चार मुलं गुरांना चरण्यासाठी घेऊन गेली होती. त्यावेळी ही घटना घडली, अशी माहिती तहसीलदार राहुल सारंग यांनी दिली.

सोमवारी पालघर जिल्ह्यात मुसळधार पाऊस कोसळत होता. ढगांच्या गडगडाटासह वीजा चमकत होत्या. वातावरण खूपच खराब होते. त्यावेळी चार मुलं हातात असलेल्या मोबाइल फोनचं नेटवर्क मिळवण्यासाठी झाडावर चढली. दुर्देवाने त्याचवेळी घात झाला. चौघांच्या अंगावर वीज पडली. रविंद्र कोरदा (१५) या मुलाचा जागीच मृत्यू झाला. अन्य तीन मुलं १४ ते १६ वयोगटातील आहेत. ही मुलं जखमी झाली आहेत. कासा ग्रामीण रुग्णालयात त्यांच्यावर उपचार सुरु आहेत.