मुंबई : सिकलसेल चाचणी आणि संबंधित आरोग्य सेवा सर्वांना सहजतेने उपलब्ध व्हाव्यात यासाठी लॉर्ड्स मार्क इंडस्ट्रीने मुंबई आयआयटीशी सहकार्य केले आहे. या सहयोगाद्वारे सिकलसेल चाचणीची मशीन आणि यंत्रणा सरकारी आरोग्य केंद्रात आणि पॅथॉलॉजी लॅब मध्ये उपलब्ध होतील.
आयआयटी कडे पेटंट असलेल्या सिकल सेलच्या चाचणीच्या उपक्रमांद्वारे शंभर टक्के अचूक निदान आणि उपचार होऊ शकेल. ही उपकरणे आर्टिफिशल इंटेलिजन्स वर आधारित असल्याने त्यांची कामगिरी अत्यंत अचूक होईल, असे आज लॉर्ड्स मार्क चे सच्चिदानंद उपाध्याय यांनी सांगितले.
तसेच या सहकार्यामुळे ही यंत्रे सगळ्यांना मिळतील. ही यंत्रे सर्वत्र उपलब्ध व्हावीत यासाठी तर्फे कंपनीतर्फे २५ कोटी रुपयांची गुंतवणूकही केली जाईल. लॉर्ड्स मार्क तर्फे त्यांच्या यंत्रणेचा वापर करून ही चाचणीची उपकारणे बनवली जातील. याचा फायदा मुख्यता ग्रामीण भारतातील गरीब नागरिकांना होईल.
त्याचप्रमाणे कंपनीतर्फे पन्नास कोटी रुपये गुंतवून देशात एक हजार पॅथॉलॉजी लॅब सुरु करून तेथे ही यंत्रे सुरू केली जातील. या यंत्राद्वारे या रोगाचे निदान लवकर होऊन त्यावरील उपचारही लवकर सुरू होतील. केंद्राच्या आदिवासी विकास विभागाने विविध राज्यांना या रोगाशी लढण्याकरता ६० कोटी रुपये मंजूर केले आहेत.
सिकलसेल असलेल्या व्यक्ती शोधण्यासाठी एरवी एक ते दोन दिवस लागतात. मात्र या यंत्राद्वारे जेमतेम तीस मिनिटातच या रोगाचे निदान होईल. या यंत्रणेद्वारे गर्भवती स्त्रियांच्या चाचण्या करण्याबाबतही स्त्रीरोगतज्ञांकडून पडताळणी केली जाईल असेही उपाध्याय यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
