"महाराष्ट्राचं चित्र बदलतंय, बदलाला सर्वसामान्य लोकांचा मोठा पाठिंबा"; निकालानंतर शरद पवारांचं सूचक विधान

मुंबई : महाविकास आघाडीच्या रूपाने पदवीधर आणि शिक्षक मतदारसंघ निवडणुकीत राष्ट्रवादी काँग्रेस, काँग्रेस आणि शिवसेनेने बाजी मारली आहे. या निकालानंतर राष्ट्रवादी काँग्रेस पक्षाचे सर्वेसर्वा शरद पवार यांनी माध्यमांना प्रतिक्रिया दिली आहे. निकालांवरील शरद पवारांची प्रतिक्रिया अत्यंत सूचक होती.  

महत्त्वाची बातमी :  "मित्र त्यांना जाऊन मिळाला म्हणून हे चित्र", चंद्रकांत पाटील

पुणे विभागाचा निकाल यापूर्वी आम्हाला अनुकूल नव्हता. मात्र यावेळी तो मोठ्या फरकानं आम्हाला अनुकूल असा निकाल लागला आहे. दरम्यान, नागपूरमध्ये गेल्या अनेक वर्षांमध्ये आम्हाला यश मिळत नव्हतं. तिथे देखील काँग्रेसच्या उमेदवाराच्या रूपाने महाविकास आघाडीचा विजय झाला आहे. नागपूरची जागा कायम फडणवीस आणि गडकरींकडे होती. या निकालांवरून असं दिसतं की "महाराष्ट्राचं चित्र बदलतंय" आणि त्या बदलाला सर्वसामान्य लोकांचा मोठा पाठिंबा आहे. एकत्रित येत राज्यातील महाविकास आघाडीनं जी कामगिरी केली आहे, त्यावर लोकांनी शिक्कामोर्तब केला आहे, अशी सूचक प्रतिक्रिया शरद पवारांनी दिली आहे. 

मुंबईतील  सर्व महत्त्वाच्या बातम्यांसाठी इथे क्लिक करा । Marathi News From Mumbai

'धुळे-नंदुरबारमधील निकाल अपेक्षित निकाल होता. कारण, तिथे निवडून आलेले विद्यमान आमदार होते. राजीनामा देऊन ते पुन्हा उभे राहिले होते. त्यांच्या पाठीशी एक मोठा वर्ग होता, तो कायम राहिल, असं पवार म्हणाले. 
 

maharashtra vidhanparishad graduate constituency results big statement of sharad pawar