रात्रीत खोदलं भुयार, भुयार गेलं थेट ज्वेलर्सच्या दुकानात... पुढची स्टोरी बातमीत वाचा..

मुंबई : कोरोनाचा संसर्ग थांबवण्यासाठी कोरोनाची चेन तोडण्यासाठी सर्वजण लॉक डाऊनमध्ये आहोत. केवळ जीवनावश्यक वस्तूंची आणि सेवांची दुकानं किंवा ऑफिसेस. अशात कधीही न थांबणारी कधीही न झोपणारी मुंबई सध्या थांबली आहे, शांत आहे. मात्र याच परिस्थितीचा फायदा काही समाज कंटकांकडून आता उठवला जातोय. याचीच प्रचिती आता येताना पाहायला मिळतेय.

कारण मुंबईत आता दुकानांमध्ये चोरीच्या घटना समोर यायला सुरवात झालीये. मुंबईतील अंधेरीतल्या MIDC पोलिसांच्या हद्दीत असणाऱ्या एका ज्वेलर्सच्या दुकानाला चोरटयांनी लक्ष्य केलंय. आता लॉक डाऊन आहे,रस्त्यावर पोलिस फिरतायत, तरीही ही चोरी कशी झाली हे वाचाल तर तुम्ही देखील हैराण व्हाल. 

वीर्य आणि अंडकोषात कोरोना विषाणू आढळू शकतो? लैंगिक संक्रमणाद्वारे कोविड-19 पसरतोय ?

कशी करण्यात आली चोरी : 

अंधेरीतील MIDC पोलिसांच्या हद्दीत असणाऱ्या महावीर ज्वेलर्स या दुकानात दरोडा पडला. चोरताना चक्क दुकानासमोर भुयार खोदलं आणि या ज्वेलर्सच्या दुकानाला लुटलंय. मिळालेल्या माहिती प्रमाणे चोरटयांनी मध्यरात्री खड्डा खोदण्यास सुरवात केली. छोट्यानी चक्क ज्वेलर्सच्या दुकानात जाईल एवढं भुयार खोदलं. याच मार्गाने चोरटे दुकानात घुसले आणि त्यांनी सर्व दुकान लुटून तिथून पोबारा केला. 

या चोरीच्या गंभीर घटनेनंतर आता अंधेरीतील MIDC पोलिस स्टेशनमध्ये चोरीचा गुन्हा दाखल करण्यात आलाय. 

mahavir jewelry store in andheri looted in money heist style