लघुशंकेला जाणं पडलं महागात; माहीम खाडीत दोन तरुण बुडाले!

कुर्ला येथे दोन तरुण माहिम कोसवे येथील मिठी नदीत बुडाल्याची घटना समोर आली आहे. माहिम दर्ग्यात दर्शनासाठी हे दोघं मित्रांसह कुर्लाहून आले होते. लघुशंकेला जाणं या दोघांना महागात पडलं आहे.

मध्यरात्री घरी जात असताना नैसर्गिक विधीसाठी दोघं माहीम खाडीवर उभे होते. त्याचवेळी एकाचा पाय सरकल्याने एक तरुण खाली पडला, त्याला वाचवण्यासाठी दुसरा गेला असता तोही बुडाला. मध्यरात्री भरती असल्यामुळे अग्निशमन व पोलिसांना त्यांचा शोध घेता आले नाही.

मात्र ओहोटी लागताच एक तरुण कोसवेच्या किनाऱ्यावर चिखलात अडकलेला दिसला. तर दुसऱ्याचा शोध अग्निशमन दल पोलीस करत आहेत. जावेद शेख आणि असिफ अशी वाहून गेलेल्या दोघांची नावे आहेत.