Crop loan interest Subsidy: पीककर्ज व्याज सवलत योजनेत मोठा बदल; आधी व्याज भरा, नंतर रक्कम थेट खात्यात जमा हाेणार!

मुंबई : शेतकऱ्यांनी ३० जूनपर्यंत पीककर्जाची मुद्दल रक्कम भरल्यानंतर मिळणाऱ्या पंजाबराव देशमुख व्याज सवलत योजनेत बदल करण्यात येणार आहे. आता शेतकऱ्यांकडून पीक कर्जावरील व्याजाची वसुली केल्यानंतर राज्य व केंद्र सरकारकडील अनुदान मंजूर झाल्यावर संबंधित शेतकऱ्यांच्या बचत खात्यात व्याजाची रक्कम जमा करण्याची तयारी सहकार विभागाने सुरू केली आहे.