Malegaon Bomblast: बॉम्बस्फोट प्रकरणी प्रज्ञासिंग यांना २५ एप्रिलला हजर राहण्याचे निर्देश

Malegaon Blast Case 2009: २००८ सालच्या मालेगाव बॉम्ब स्फोट प्रकरणातील आरोपी भाजप खासदार साध्वी प्रज्ञा सिंह ठाकूर यांना २५ एप्रिल रोजी न्यायालयात सुनावणीसाठी हजर राहण्याचे निर्देश विशेष एनआयए न्यायालयाने आज आपण(ता.२०) दिले.

२९ सप्टेंबर २००८ रोजी मालेगावच्या मशिदीजवळ मोटारसायकलवर बॉम्बस्फोट होऊन ६ ठार, तर १०० हून अधिक नागरिक जखमी झाले होते. या प्रकरणी विशेष एनआयए न्यायालयात सुनावणी सुरू आहे.

साध्वी प्रज्ञासिंग यांच्यासह एकूण १३ आरोपींपैकी ५ आरोपींची सुटका झाली असून प्रज्ञासिंग व इतर सहा जणांवर बेकायदेशीर कारवाया प्रतिबंधक कायदा (यूएपीए) व भारतीय दंड संहितेच्या तरतुदींखाली खटला चालवला जात आहे.

विशेष न्यायाधीश ए. के. लाहोटी यांच्या समोर आज या खटल्यावर सुनावणी होती त्यावेळी प्रज्ञा सिंह ठाकूर यांच्या वकिलांनी प्रज्ञासिंग यांच्या आजारपणाचा वैद्यकीय अहवाल न्यायालयात सादर केला व एक दिवस सुनावणीला अनुपस्थित राहण्याची परवानगी न्यायालयाकडे मागितली. न्यायालयाने हा अर्ज स्वीकारत प्रज्ञा सिंह ठाकूर यांना २५ एप्रिल रोजी सुनावणीला उपस्थित राहण्याचे निर्देश दिले.