Matheran Chi Rani
sakal
- नितीन बिनेकर
मुंबई - हिरव्यागार डोंगररांगा, धुक्याने वेढलेले घाट आणि नागमोडी वळणांवरून होणारा संथ प्रवास... माथेरानच्या निसर्गसौंदर्याची सफर घडवणारी पर्यटकांची लाडकी ‘माथेरानची राणी’ पुन्हा रुळावर धावणार आहे. पावसाळ्यात सुरक्षिततेच्या कारणास्तव बंद ठेवण्यात आलेली नेरळ-माथेरान मिनी ट्रेनची सेवा ३० ऑक्टोबरपासून पूर्ववत होणार आहे. त्यामुळे डोंगरदऱ्यांमधून प्रवास करत माथेरानच्या निसर्गाचा आनंद घेण्यासाठी पर्यटकांना पुन्हा रेल्वेचा पर्याय उपलब्ध होणार आहे.
