प्रवासासाठी वैद्यकिय प्रमाणपत्र हवंय? ...या ठिकाणी मिळणार

मुंबई : स्थलांतरीत कामगारांना प्रवासासाठी आवश्यक असलेले वैद्यकिय प्रमाणपत्र महापालिकेच्या रुग्णालयात तसेच दवाखान्यामध्ये मिळणार आहे. स्थालांतरीत कामगारां बरोबर महाराष्ट्रात अडकलेले इतर राज्यातील भाविक तसेच विद्यार्थांनाही प्रमाणपत्र देण्यात येणार आहे.

ही बातमी वाचली का? गावी जाण्याचे फॉर्म मिळवण्यासाठी ठिकठिकाणी गर्दी 

इन्फ्लएंझा म्हणजे फ्ल्यू सदृश्य लक्षण नसणार्यांना हे प्रमाणपत्र मिळणार आहे. टाळेबंदीमुळे अडकलेले भाविक, विद्यार्थी आणि कामगारांना त्यांच्या मुळ राज्यात जाण्याची परवानगी केंद्र सरकारने दिली आहे. मात्र, हा प्रवास करताना त्यांना वैद्यकिय प्रमाणपत्रासह पोलिस ठाण्यात अर्ज करायचा आहे. हे प्रमाणपत्र कोणाकडून घ्यावे याबाबत संभ्रम होता. महापालिका प्रशासनाने आज परिपत्रक काढून पालिका रुग्णालये तसेच दवाखान्यांमधून हे प्रमाणपत्र मिळणार आहे. तसेच नोंदणीकृत खासगी डॉक्टरही हे प्रमाणपत्र देऊ शकतील, असे पालिकेने स्पष्ट केले आहे.

ही बातमी वाचली का? मुंबईकरांना मोठा दिलासा; कोरोना मृत्यू दर 9 वरून 3.5 टक्‍क्‍यांवर 

चार प्रमुख रुग्णालये, 16 उपनगरीय रुग्णालये आणि 174 दवाखान्यांमधून हे प्रमाणपत्र मिळणार आहे. दवाखान्यांमध्ये 2 ते 4 या वेळेत प्रमाणपत्र मिळेल त्याच बरोबर संबंधित व्यक्तीने त्यांच्या सरकारी ओळखपत्र असल व नक्कल प्रत (फोटो कॉपी) सोबत ठेवावी असे पालिकेकडून कळवण्यात आले आहे.