मध्य, हार्बरवर मेगाब्लॉक रद्द | Sakal
sakal

बोलून बातमी शोधा

megablock Canceled central and harbour line

मध्य, हार्बरवर मेगाब्लॉक रद्द

मुंबई : दर रविवारी मध्य, पश्चिम, हार्बर मार्गावर मेगाब्लॉक घेण्यात येतो. या वेळी रेल्वेरूळ, ओव्हरहेड वायर, सिग्नल यंत्रणा यांची देखभाल व दुरुस्ती केली जाते. मात्र, रविवारी, (ता. १) महाराष्ट्र आणि कामगार दिनी मेगाब्लॉकला सुट्टी देण्यात आली आहे. मध्य आणि हार्बरवर रविवारी कोणताही ब्लॉक नसेल. पश्चिम रेल्वेवर दिवसकालीन ब्लॉक न घेता रात्रकालीन ब्लॉक घेतला आहे; तर फक्त पायाभूत कामांसाठी ट्रान्स हार्बरवर ब्लॉक घेतला आहे.

ट्रान्स हार्बर

कुठे : ठाणे ते ऐरोलीदरम्यान

कधी : सकाळी ११.१० ते दुपारी ४.१०

परिणाम : ठाणे ते ऐरोलीदरम्यान मेट्रोसाठी आरएच गर्डर्स टाकण्यासाठी ब्लॉक घेण्यात येणार आहे. डाऊन ट्रान्सहार्बर मार्गावर ठाणे येथून वाशी/नेरूळ/पनवेल करीता सुटणारी आणि पनवेल/नेरूळ/वाशी येथून ठाण्याकडे जाणाऱ्या अप ट्रान्सहार्बर मार्गावरील सेवा बंद राहतील.

पश्चिम रेल्वे

कुठे : बोरिवली ते अंधेरीदरम्यान अप आणि डाऊन जलद मार्गावर

कधी : शनिवारी-रविवारच्या मध्यरात्री ११.१५ ते रात्री ३.१५

परिणाम : पाच तासांच्या ब्लॉक कालावधीत जलद मार्गावरील सर्व लोकल सेवा बोरिवली ते अंधेरी स्थानकादरम्यान धीम्या मार्गावर धावतील. रविवारी पश्चिम रेल्वे मार्गावर दिवसा ब्लॉक नसेल.

Web Title: Megablock Canceled Central And Harbour Line

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Mumbai NewsMumbai
go to top