मुंबई: उपनगरी रेल्वे मार्गावरील रुळांची दुरुस्ती तसेच सिग्नल यंत्रणेतील तांत्रिक कामांसाठी रविवारी (ता. २३) रेल्वेच्या तिन्ही मार्गांवर मेगाब्लॉक घेण्यात येणार आहे. मध्य रेल्वेचा माटुंगा ते मुलुंड अप आणि डाऊन जलद मार्ग, तर कुर्ला ते वाशी अप आणि डाऊन हार्बर मार्गावर तसेच पश्चिम रेल्वेच्या मुंबई सेंट्रल ते चर्चगेट अप जलद मार्गावर मेगाब्लॉक घेण्यात येणार आहे. त्यामुळे रविवारी तिन्ही मार्गांवरील प्रवाशांचे मेगाहाल होणार आहेत.