म्हाडाची यंदाही सोडत नाही; मुंबईकरांना आणखी पाहावी लागणार वाट!

Mhada-Home
Mhada-Homesakal

मुंबई : म्हाडाच्या (MHADA) मुंबई मंडळामार्फत काढण्यात येणारी घरांची सोडत सलग दुसऱ्या वर्षीही निघणार नसल्याचे जवळपास निश्चित झाले आहे. मंडळाकडे घरांचा साठा उपलब्ध नसल्याने यंदाही सोडत (Mhada Lottery) काढणे कठीण असल्याचे मंडळातील उच्च पदस्थ अधिकाऱ्याने सांगितले आहे. त्यामुळे म्हाडाच्या सोडतीकडे डोळे लावून बसलेल्या राज्यभरातील नागरिकांना (People awaits) आता पुढील वर्षाची प्रतिक्षा करावी लागणार आहे. (Mhada homes lottery not for this year not availability mhada homes people awaits)

म्हाडाच्या सोडतीकडे राज्यभरातील नागरिक उत्सुकतेने वाट पाहात असतात. परंतु, गेल्या काही वर्षांपासून मंडळाकडे जमिनीअभावी घरे उपलब्ध होत नसल्याने खूप कमी घरांची सोडत काढण्यात येत आहे. या सोडतीमध्ये मुंबई इमारत दुरुस्ती व पुनर्रचना मंडळाकडून व यापूर्वीच्या सोडतीमध्ये विजेत्यांची ताबा न घेतलेल्या घरांचा समावेश करण्यात येतो. 2019 मध्ये मंडळाने सोडत काढली होती. यानंतर गेल्यावर्षी सोडत काढण्यासाठी घरे नसल्याने सोडत निघू शकली नव्हती. यंदा सुमारे एक हजार घरांची सोडत काढण्यासाठी मंडळाने तयारी सुरू केली होती. परंतु, पुरेशा प्रमाणात घरे हाती नसल्याने मंडळाला यंदाही सोडत काढता येणार नसल्याचे, सूत्रांनी सांगितले.

Mhada-Home
IRSDC करणार मुंबईच्या महत्वाच्या रेल्वे स्थानकांचा कायापालट!

पहाडी गोरेगाव येथे सुमारे 4 हजार घरांचे काम सुरू आहे. या इमारतींचे बांधकाम पूर्ण होण्यास पुढील वर्ष लागणार आहे. त्यामुळे या घरांचा समावेश पुढील वर्षी काढण्यात येणाऱ्या सोडतीमध्ये करण्याचा मंडळाचा विचार आहे. येथील प्रकल्पाचे काम अजून बरेच शिल्लक असल्याने या घरांची यंदा सोडत काढणे शक्य नसल्याचेही सूत्रांनी सांगितले.

"घरांच्या संख्येअभावी यंदा सोडत काढणे कठीण आहे. परंतु, आम्ही त्यासाठी प्रयत्नशील आहोत. पुढील वर्षाच्या सोडतीमध्ये गोरेगावच्या प्रकल्पातील घरे समाविष्ट होतील."

डॉ. योगेश म्हसे - मुख्य अधिकारी, मुंबई मंडळ.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com