लॉकडाउनबद्दल राज ठाकरे काय भूमिका घेणार? मनसेने दिली महत्त्वाची माहिती

मुंबई: राज्यात कोरोना रुग्णांची संख्या झपाट्याने वाढतेय. विविध निर्बंध लागू करुनही ही रुग्णवाढ आटोक्यात आलेली नाही. त्यामुळे कोरोनाची रुग्णवाढ कशी थोपवायची, या बद्दल राज्याच्या मुख्यमंत्र्यांनी सर्वपक्षीय बैठक बोलवली होती. लॉकडाउन लावायचा की, नाही याबद्दल बैठकीत सर्वकष चर्चा झाली. सर्वपक्षीय नेत्यांनी यावेळी आपआपली भूमिका मांडली. आजच्या या बैठकीचे राज ठाकरेंनाही निमंत्रण होते. पण ते उपस्थित नव्हते. राज ठाकरे यांना रूग्णालयात दाखल करण्यात आल्यामुळे ते या बैठकीला उपस्थित राहू शकले नाहीत. 

महाराष्ट्र नवनिर्माण सेनेचे अध्यक्ष राज ठाकरे यांना शनिवारी लीलावती रूग्णालयात दाखल करण्यात आलं असून त्यांच्या पाठीवर एक शस्त्रक्रिया करण्यात आली. काही दिवसांपासून त्यांच्या पाठीला त्रास होत होता. त्यानंतर आज त्यांच्या पाठीवर यशस्वी शस्त्रक्रिया पार पडली. काही दिवसांपूर्वी टेनिस खेळताना त्यांच्या पाठीला मुकामार लागला होता.

Breaking : लॉकडाउन करण्यावर मुख्यमंत्री आणि देवेंद्र फडणवीस यांच्यात एकमत

त्यावेळी त्यांच्या हातालाही दुखापत झाली होती. गेले काही दिवस त्यांची पाठ दुखत होती. पाठदुखी थांबावी यासाठी त्यांनी डॉक्टरांच्या सल्ल्याने औषध-गोळ्या घेतल्या होत्या, पण त्या औषधांनी त्यांना बरं वाटलं नाही. त्यामुळे अखेर त्यांना शनिवारी सकाळी लीलावती रूग्णालयात दाखल करण्यात आले असून त्यांच्या पाठीवर शस्त्रक्रिया करण्यात आली.

अंडरवर्ल्ड डॉन 'डॅडी' पॅरोलवर येणार तुरुंगाबाहेर

दरम्यान राज्याचे विरोधी पक्षनेते देवेंद्र फडणवीसांसह वेगवेगळ्या नेत्यांनी लॉकडाउनच्या विषयावर आपपाली मत मांडलेली असताना राज ठाकरे यांची भूमिका काय असेल? याकडे सगळ्यांचे लक्ष लागले आहे. मनसेचे सरचिटणीस संदीप देशपांडे यांनी या संदर्भात एक टि्वट केले आहे. त्यात त्यांनी लॉकडाउन संदर्भातील भूमिका ही राजसाहेब जाहीर करतील, असे म्हटले आहे.