मुंबई : महाराष्ट्र नवनिर्माण सेना नेते अमित ठाकरे यांनी आज महाराष्ट्राचे उपमुख्यमंत्री अजित पवार यांची भेट घेतली. या भेटीत अजित पवार यांनी अमित ठाकरे यांना आशा वर्कर्सच्या मानधनात वाढ करण्याबाबत ग्वाही दिलीये.
आशा वर्कर्सच्या मानधनाबाबत महाराष्ट्र नवनिर्माण सेना नेते अमित ठाकरे आणि बाळा नांदगावकर यांनी उपमुख्यमंत्री आणि महाराष्ट्राचे अर्थमंत्री अजित पवारांसोबत बैठक पार पडली. या बैठकीत महाराष्ट्राचे मुख्यमंत्री अजित पवार यांनी महाराष्ट्र नवनिर्माण सेनेचे नेते अमित ठाकरे यांना आशा वर्कर्सच्या मानधनात २ हजार रुपयांची वाढ करण्याचं आश्वासन दिलं आहे.
दरम्यान अमित ठाकरे यांनी घेतलेली अजित पवार यांची बैठक आशा वर्कर्ससाठी यशस्वी ठरली असंच बोलावं लागेल. याला कारण म्हणजे याआधी आशा वर्कर्सचं जे मानधन साधारण सोळाशे रुपये होतं त्यामध्ये आता आणखी २ हजार रुपयांची वाढ केली जाणार आहे. याबाबतची ग्वाही राज्याचे उपमुख्यमंत्री आणि अर्थमंत्री अजित पवारांनी दिलीये.
याचसोबत कोरोना काळात आशा वर्कर्सनी घरोघरी जाऊन जे काम केलंय त्याचे १५ हजार रुपये मानधन थकीत आहे. हे पंधरा हजार रुपयांचं मानधन देखील आशा वर्कर्सना लवकर मिळावं याची मागणी मनसे नेते अमित ठाकरे यांनी केलीये. याबाबतही विचार करू असं आश्वासन उपमुख्यमंत्र्यांनी अमित ठाकरे यांना दिलंय.
mns leader amit thackeray met deputy cm ajit pawar regarding asha worlers honorarium
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.