Palghar : मोखाड्यात विहीरींनी गाठला तळ ; 21 गावपाड्यांना 9 टॅंकरद्वारे पाणीपुरवठा

मोखाडा : " नेमेची येतो पावसाळा " या युक्ती प्रमाणे मोखाड्यात प्रतिवर्षी भिषण पाणी टंचाई ला येथील नागरीकांना सामोरे जावे लागते आहे. गतसालच्या तुलनेने यावर्षी एक महिना अगोदरच, डिसेंबर  2023  मध्ये मोखाड्यात पाणी टंचाई ला सुरूवात झाली आहे. ऊन्हाची तिव्रता वाढू लागल्याने, तालुक्यात टंचाई ग्रस्त गाव पाड्यांची संख्या वाढत आहे. सध्यस्धितीत तालुक्यात  21  गावपाड्यांना  9   टॅंकर द्वारे पाणीपुरवठा शासनाने सुरू केला आहे. त्यामुळे येथील नागरीकांना दिलासा मिळाला आह.         

पालघर जिल्ह्यातील मोखाडा तालुका प्रतिवर्षी भिषण पाणी टंचाई ने होरपळत आहे. टंचाई निवारण्याच्या शासन स्तरावरुन अनेक ऊपाययोजना आजवर करण्यात आल्या आहेत. मात्र, या सर्व योजना कुचकामी ठरल्या आहेत. त्यामुळे मोखाड्यात पाणी टंचाई कायम राहीली आहे. टंचाई काळात टॅंकरद्वारे पाणी पुरवठा हा ऐकमेव ऊपाय, शासनाकडून प्रतिवर्षी करण्यात येत आहे. 

 गतसालच्या तुलनेने यावर्षी एक महिना अगोदरच, डिसेंबर  2023  मध्ये पाणी टंचाई ला सुरूवात झाली आहे. ऊन्हाची तिव्रता वाढू वाढु लागल्याने, टंचाई ग्रस्त गावपाड्यांची संख्या वाढत आहे. सध्यस्धितीत तालुक्यात  21  गावपाड्यांना  9   टॅंकर द्वारे पाणीपुरवठा सुरू करण्यात आला आहे. त्यामुळे टंचाई ग्रस्त गाव पाड्यांतील सुमारे  10  हजारांहून अधिक नागरीक आणि जनावरांची तहान भागवली जात आहे. शासनाच्या धोरणानुसार माणसी  20  लिटर, लहान जनावरांना - 10, मोठी जनावरे - 35  तर शेळी, मेंढी आणि डुक्कर यांना  3  लिटर पाणी टॅंकरद्वारे पुरवठा करण्यात येतो आहे. 

 ऊन्हाची तिव्रता वाढल्याने मोखाड्यातील टंचाई ग्रस्त गाव पाड्यांतील विहीरींनी तळ गाठला आहे. गतसालच्या तुलनेने यावर्षी टंचाई ची तिव्रता अधिक असल्याची चुणूक, एक महिना अगोदर निर्माण झालेल्या पाणी टंचाई ने दाखवून दिली आहे. गतसाली  73  गावपाड्यांना  20  टॅंकर द्वारे पाणीपुरवठा करण्यात आला होता. यावर्षी ही तिव्रता वाढण्याची असुन टंचाई ग्रस्त गाव पाड्यांची संख्या वाढण्याची शक्यता प्रशासनाकडुन वर्तवली जात आहे.   

टॅंकरद्वारे पाणी पुरवठा करण्यात येत असलेली गावपाडे.......

गोळीचापाडा, धामोडी, स्वामीनगर, कुडवा, कुंडाचापाडा, तेलीऊंबरपाडा, वारलीवाडी, हट्टीपाडा, हेदवाडी, गवरचरीपाडा, ठवळपाडा, राजेवाडी, जांभुळवाडी, हुंड्याचीवाडी, धामणी, तुंगारवाडी, मडक्याचीमेट, कोलद्याचापाडा, चारणगांव, वाकीचापाडा, ठाकुरवाडी, गोमघर, वाशिंद, वाघवाडी आणि शेलमपाडा.