मुंबईत नव्या रुग्णसंख्येत किंचीत घसरण; ६ जणांचा मृत्यू

मुंबई : मुंबई नव्या कोरोना रुग्णांचा (corona patients) आलेख चढता असून दिवसभरात १३७०२ नव्या रुग्णांची (corona new patients) भर पडली आहे. तर ६ कोरोना रुग्णांचा मृत्यू (corona deaths) झाला आहे. मृत झालेल्या रुग्णांपैकी ५ जणांना दिर्घकालीन आजार होते. मृतांमध्ये पाच पुरुषांसह एका महिलेचा समावेश आहे. काल बुधवारी १६४२० रुग्णांची नोंद करण्यात आली होती. मंगळवारी मुंबईत कोरोना बाधितांचा आकडा 11, 647 इतका नोंदविण्यात आला होता. (More than thirteen thousand new corona patients found in mumbai today)

दुसरीकडे राज्यातही नव्या कोरोना रुग्णांची वाढ होत असल्याने चिंता वाढली आहे. तर गेल्या ४८ तासांत मुंबईत ३२९ पोलीस कर्मचारी कोरोनाबाधित आढळले आहेत. मुंबईत आतापर्यंत एकूण १०,३२३ पोलीस पॉझिटिव्ह आढळले असून, एकूण १२६ पोलिसांचा मृत्यू झाला आहे. तर ११०२ सक्रिय रुग्ण असून त्यांच्यावर उपचार सुरू आहेत.

मुंबईत दिवसभरात सहा जणांचा मृत्यू झाला आहे. गुरुवारी एकूण ८७१ रुग्णांना रुग्णालयात दाखल करण्यात आले होते. कोरोनाच्या २०८४९ रुग्णांनी कोविडवर मात केली असून मुंबईतील बरे झालेल्या रुग्णांचा दर ८८ टक्क्यांवर पोहोचला आहे. तसंच मुंबईतील रुग्ण दुपटीचा कालावधी हा ३६ दिवसांवर पोहोचला आहे. महाराष्ट्रात कोविड रुग्णांची वाढत्या रुग्णसंख्येच्या पार्श्वभूमीवर लोकांनी निर्बंध शिथिल करण्याची अपेक्षा करू नये. पण घाबरण्याची गरज नाही. असं आवाहन आरोग्यमंत्री राजेश टोपे यांनी केलं होतं.