शिवसेना यूपीत किती जागा लढवणार? संजय राऊतांनी दिली माहिती | Sakal
sakal

बोलून बातमी शोधा

sanjay raut
शिवसेना यूपीत विधानसभा लढवणार

शिवसेना यूपीत किती जागा लढवणार? संजय राऊतांनी दिली माहिती

sakal_logo
By

मुंबई : शिवसेना उत्तर प्रदेशात कोणत्याही पक्षासोबत युती न करता ५० ते १०० जागा लढणार आहे. मुख्यमंत्री योगी आदित्यनाथ यांच्याविरोधातही शिवसेना निवडणूक लढवेल, अशी माहिती शिवसेना खासदार संजय राऊत यांनी दिली. उत्तर प्रदेश विधानसभा निवडणुकांचा बिगुल वाजला आहे. उत्तर प्रदेशमधील निवडणुकीची देशभरात चर्चा सुरू आहे.

अशातच शिवसेना खासदार संजय राऊत उत्तर प्रदेशच्या दौऱ्यावर आहेत. त्यापूर्वी माध्यमांशी संवाद साधताना राऊत यांनी शिवसेना उत्तर प्रदेशची विधानसभा निवडणूक लढवणार असल्याची घोषणा केली. या निवडणुकीसाठी कोणत्याही पक्षाशी युती करणार नसल्याचेही त्यांनी नमूद केले. आदित्यनाथ यांच्या विरोधात निवडणूक लढण्याच्या प्रश्‍नावर त्यांनी खास शैलीत उत्तर दिले. ते म्हणाले, ‘आम्ही कोणाविरोधात लढणार नाही, आम्ही निवडणूक लढणार आहोत. निवडणूक कोणाही विरोधात लढली जात नाही, तर मतदार किती समर्थन देतात हे पाहण्यासाठी लढले जाते, असेही त्यांनी नमूद केले. राकेश टिकैत यांची भेट दरम्यान, संजय राऊत यांनी आज मुझफ्फरनगर येथे शेतकरी नेते राकेश टिकेत यांची त्यांच्या निवासस्थानी भेट घेतली. या वेळी उत्तर प्रदेशातील शेतकऱ्यांच्या विविध प्रश्‍नांवर चर्चा करण्यात आल्याचे ट्विट राऊत यांनी केले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Shiv Sena
loading image
go to top