विरार - वाढवणं बंदर विरोधात आज मच्छीमार संघटना आणि इतर संघटनांनी पुकारलेल्या बंदला मोठे यश आले असून पश्चिम किनार पट्टीवरील उत्तन ते झाई पर्यंतच्या किनार पट्टीवर कडकडीत बंद पाळण्यात आला. ठिक ठिकाणी मानवी साखळी उभारण्यात आली होती. तर काही ठिकाणी तरुणांनी वाढवणं बंदराच्या निषेधार्थ मुंडन केले किनार पट्टीवर असलेली रिसॉर्ट ही आजच्या बंद मध्ये सामील झाली होती.
डहाणू तालुक्यातील वाढवणं बंदराच्या विरोधात आता आरपारची लढाई सुरू झाली असून आज कप परेड ते झाई पर्यंतच्या पश्चिम किनार पट्टीवर मच्छीमार सामाजाने आणि त्यांना पाठिंबा देणाऱ्या विविध संस्थांनी बंदचे आवाहन केले होते त्याला मोठा पाठिंबा मिळाल्याचे चित्र सर्वत्र दिसत आहे. उत्तन ते झाई पर्यंत समुद्र किनाऱ्यावर मानवी साखळी तयार करण्यात आली होती . तर आज सर्व मासेमारी बंद ठेवण्यात आली होती. भाईंदर उत्तन येथे निषेध करण्यासाठी मोठ्या प्रमाणात मच्छीमार महिला हातात काळे झेंडे घेऊन समुद्रावर उपस्थित होत्या. यावेळी उत्तन येथे मोठ्या प्रमाणत पोलीस बंदोबस्त ठेवण्यात आला होता. तर कळंब येथे असलेली रिसॉर्ट बंद ठेऊन मानवी साखळी उभारण्यात अली होती. वसई, अर्नाळा , सातपाटी, धाकटी डहाणू ,बोर्डी, वाढवणं, वरोर , चिंचणी याठिकाणी 100 टक्के बंद पाळण्यात आला.
वाढवणं येथील मुंडेश्वरी मंदिराबाहेर वाढवण बंदराच्या विरोधात बाळकृष्ण पाटील, कमलेश किणी, सुनील राऊत,आणि भुवनेश्वर पाटील या तरुणांनी मुंडन करून पिंड दान केले.
Movement against against Wadhwan Port Protest by human chain
---------------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.