मुंबई - चीनमध्ये सुरु असलेल्या एशियाई खेळात भारताच्या खेळाडूंकडून पदकांची लयलूट सुरु आहे. चीनमध्ये खेळाडूंनी केलेल्या उत्कृष्ट कामगिरीनंतर मुलुंड येथे ऑलिंपिक दर्जाचा २४ हजार चौरस मीटर क्षेत्रफळात स्टेडियम उभारण्याचा निर्णय घेतला असून यासाठी मुंबई महापालिका तब्बल ३६ कोटी रुपये खर्च येणार आहे.
मुंबई महापालिकेच्या शाळांतील विद्यार्थ्यांचा शैक्षणिक दर्जा उंचावण्यासह विद्यार्थ्यांच्या गुणवत्ता वाढीवर भर दिला आहे. अनेक विद्यार्थी खेळात हुश्शार असून खेळात प्रोत्साहन मिळावे यासाठी शिक्षण विभागाकडून विविध उपक्रम राबवण्यात येत आहेत. सृदृढ आरोग्यासाठी स्विमिंग हा उत्तम व्यायाम असून पालिका शाळांतील विद्यार्थ्यांना मोफत स्विमिंगचे प्रशिक्षण देण्यात येत आहे.
खेळात विद्यार्थ्यांना प्रोत्साहन मिळावे यासाठी मुलुंड येथे ऑलिंपिक दर्जाचा स्टेडियम उभारण्याचा निर्णय घेतला आहे. स्टेडियम मध्ये ४०० मीटर रनिंग ट्रॅक बनवण्यात येणार आहे. तसेच गोळा फेक, लॉग जंप हाफ जंप आदी खेळाच्या सुविधा ऑलिंपिक दर्जाच्या स्टेडियम मध्ये उपलब्ध करण्यात येणार आहे.
मुंबईत एथलेटिक दर्जाचा स्टेडियम नाही. त्यामुळे मुंबईत अशा प्रकारचा स्टेडियम उभारण्याचा निर्णय घेतला असून २०२५ पर्यंत स्टेडियम तयार करण्याचा मानस असल्याचे पालिका प्रशासनाकडून सांगण्यात आले. ऑलिंपिक दर्जाचा स्टेडियम उभारणीसाठी अनुभवी कंपनीची नियुक्ती करण्यात येईल.
यासाठी निविदा प्रक्रिया राबवण्यात येणार असून निविदा प्रक्रिया जानेवारी २०२४ पर्यंत पूर्ण करण्यात येईल. त्यानंतर वर्क ऑर्डर दिल्यानंतर २०२५ पर्यंत स्टेडियम सेवेत आणण्याचा प्रयत्न असल्याचे अधिकाऱ्याने सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.