esakal | ‘आरे’त पुन्हा बिबट्याचा हल्ला , तरुण जखमी; आठवड्यातील तिसरी घटना | Panther Attack
sakal

बोलून बातमी शोधा

panther Attack

‘आरे’त पुन्हा बिबट्याचा हल्ला , तरुण जखमी; आठवड्यातील तिसरी घटना

sakal_logo
By
सकाळ वृत्तसेवा

मुंबई : आरे दुग्ध वसाहतीजवळ (Aare society) बिबट्याने (panther attack) आणखी एका तरुणावर गुरुवारी (ता. ३०) रात्री प्राणघातक हल्ला केला. हल्ल्यात राजेश रावत (rajesh rawat) (वय १९) हा तरुण जखमी झाला आहे. या आठवड्यातील हा तिसरा हल्ला आहे. यापूर्वीच्या बिबट्याच्या हल्ल्यात एक ज्येष्ठ महिला व लहान मूल जखमी झाले होते.

हेही वाचा: आठ लाख रुपये घेऊन पळून गेलेल्या नोकराला अटक

आरे वसाहतीजवळील युनिट क्रमांक ७ मध्ये राजेश रावत हा तरुण आपल्या एका मित्राला घरी सोडायला गेला होता. त्यानंतर घराकडे परतत असताना चित्रनगरी रोड, पंजाब ढाबा, सुनील मैदान येथे रात्री नऊच्या दरम्यान बिबट्याने राजेशवर हल्ला केला. या हल्ल्यात राजेश जखमी झाला. त्याच्या डोक्याला जबर मार लागला असून हात, पाय आणि पाठीवर जखमा झाल्या आहेत. जखमी राजेशला ट्रामा केअर सेंटरमध्ये दाखल करण्यात आले आहे.

चित्रनगरीतील संपूर्ण परिसर हा जंगलाने व्यापलेला आहे. हा परिसर गर्द झाडीने व्यापलेला असल्याने तेथील रस्त्यावरून प्रवास करताना अनेक वेळा बिबट्ये दिसतात. त्यामुळे नागरिकांमध्ये त्यांची चांगलीच दहशत आहे. महिनाभरात बिबट्याने चार जणांवर हल्ला करून त्यांना जखमी केले आहे.

loading image
go to top