सबस्क्राईब करा
मुंबई: ज्येष्ठ वकील आणि मुंबई उत्तर मध्य लोकसभा मतदारसंघातील भाजपचे उमेदवार उज्ज्वल निकम यांनी त्यांच्या सर्व 29 प्रलंबित खटल्यांचा राजीनामा दिला आहे. या खटल्यांमध्ये निकम हे विशेष सरकारी वकील होते. ही प्रकरणे त्यांना महाराष्ट्र सरकारने सोपवली होती. ज्यात मुंबईतील आठ हायप्रोफाईल केसेसचा समावेश होता. या प्रकरणांमध्ये 26/11 च्या दहशतवादी हल्ल्याचाही समावेश होता. (Ujjwal Nikam News In Marathi)
यानंतर उज्ज्वल निकम यांनी माध्यमांशी संवाद साधला. निकम यांना भाजपने मुंबई उत्तर मध्य लोकसभा मतदारसंघातून उमेदवारी दिली आहे.
"मी कोणत्याही फायद्यासाठी राजकारणात नाही. मी संघटित गुन्हेगारीविरुद्ध लढलो आहे, मी कधीही आरोपीच्या बाजूने लढलो नाही. 26/11 केसमध्ये मी पंतप्रधान नरेंद्र मोदी, तत्कालीन मुख्यमंत्री देवेंद्र फडणवीस आणि एनएसए अजित डोवाल यांच्या मदतीने कोर्टात डेव्हिड हेडलीचे स्टेटमेंट घेऊ शकलो... त्यामुळे या हल्ल्यामागे पाकिस्तानचा हात असल्याचे आम्ही सिद्ध करू शकलो...", असे उज्ज्वल निकम म्हणाले.
पंतप्रधान नरेंद्र मोदी यांच्या चमकदार कार्याने देशाची प्रतिष्ठा जगात उंचावल्यामुळे मी भाजपमध्ये प्रवेश केला. राजकारण हे नवे आव्हान असून मी सर्वसामान्यांचा विश्वास जिंकणार असल्याचे ते म्हणाले.
सामान्य माणसाचा लोकशाहीवरील विश्वास दृढ व्हावा यासाठी संसदेत कायदा बनवण्याच्या प्रक्रियेत सहभागी व्हायचे आहे. तसेच भाजपचा जाहीरनामा अमलात आणण्यासाठी काम करणार असल्याचे उज्ज्वल निकम म्हणाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.