कोरोना प्रतिबंधक लसीकरणाबद्दल मुंबई पालिकेचा महत्त्वाचा निर्णय

मुंबई: नागरिकांना घराजवळ कोविड लसीकरणाची सोय उपलब्ध करुन देण्याची परवानगी मिळावी, यासाठी महानगर पालिकेने केंद्र सरकारला प्रस्ताव पाठवला आहे. या प्रस्तावाला मंजूरी मिळाल्यानंतर निवासी संकुलांमध्ये लसीकरणाची सोय उपलब्ध होणार आहे. रोज सरासरी ४० ते ४५ हजार कोविड चाचण्या होत आहेत. ही संख्या लाखापर्यंत वाढविण्याचे निर्देश आयुक्त इक्बाल सिंह चहल यांनी दिले आहेत. त्यासाठी महानगर पालिकेने नागरिकांना पूर्व नोंदणी न करता लसीकरणाची सुविधा उपलब्ध करुन दिली आहे. त्याचबरोबर नगरसेवक आणि सामाजिक संस्थांची मदत घेऊन लसीकरणाचा वेग वाढविण्याचा प्रयत्न केला जात आहे.

"फडणवीस पुन्हा कधीही महाराष्ट्राचे मुख्यमंत्री होणार नाहीत"

निवासी संकुला पर्यंत लसीकरणाची सोय उपलब्ध करुन देण्याचा महानगर पालिकेचा विचार आहे.त्यासाठी केंद्र सरकारला पत्र पाठविण्यात आले असल्याची माहिती अतिरिक्त आयुक्त सुरेश काकणी यांनी दिली. केंद्र सरकारने परवानगी दिल्यास संकुलांमध्ये लसीकरणाची सोय उपलब्ध करुन देण्याची परवानगी खासगी रुग्णालयांनाही देण्यात येणार आहे. मात्र त्यांच्याकडे फक्त लसीकरणाची सोय उपलब्ध आहे का हे पाहून चालणार नाही, तर त्या पथकासोबत वैद्यकीय सुविधा काय असेल? रुग्णालयात काय वैद्यकिय सुविधा असतील? याचाही विचार केला जाईल आणि त्यानंतरच निर्णय घेण्यात येईल, असं काकाणी यांनी सांगितलं.

31 मे पर्यंत सर्व टप्पे पूर्ण करण्याचा प्रयत्न

नव्या खासगी रुग्णांना लसीकरणाची परवानगी मिळावी म्हणून केंद्र सरकारला प्रस्ताव पाठवला आहे. सध्या 100 ठिकाणी लसीकरण होत असून संख्या वाढल्यास लसीकरणाचा वेग वाढेल. लसीकरणाचा साठा योग्य प्रमाणात असून ४५ वर्षांवरील एकूण नागरिक साधरणपणे ४० लाखाच्या आसपास असतील. आतापर्यंत सुरु करण्यात आलेले सर्व टप्पे 31मे पर्यंत पूर्ण करण्याचा पालिकेचा विचार आहे, असेही काकाणी यांनी स्पष्ट केले.

मुंबईतील ताज्या घडामोडींसाठी क्लिक करा

दोन शिफ्टमध्ये लसीकरण

महानगर पालिका आता दोन शिफ्टमध्ये लसीकरण सुरु करणार आहे. सकाळी 7 ते दुपारी 2 आणि दुपारी 2 ते रात्री 9 अशा दोन शिफ्टमध्ये लसीकरण केलं जाणार आहे.