Mega Block : मध्य रेल्वेवर रविवारी मेगाब्लॉक: प्रवाशांचे होणार हाल!

मुंबई - उपनगरी रेल्वे मार्गावरील रुळांची दुरुस्ती तसेच सिग्नल यंत्रणेत काही तांत्रिक कामे करण्यासाठी रविवारी ४ जून २०२३ रोजी रेल्वेच्या मध्य रेल्वे मार्गावर मेगाब्लॉक घेण्यात येणार आहे. मध्य रेल्वेच्या ठाणे ते कल्याण अप आणि डाउन जलद मार्गावर, तर ट्रान्सहार्बर मार्गावरील ठाणे ते वाशी/नेरुळ अप आणि डाउन मार्गावर मेगाब्लॉक घेण्यात येणार आहे.

मध्य रेल्वे -

कुठे- ठाणे- कल्याण अप आणि डाउन जलद मार्गावर

कधी- सकाळी १०. ४० ते दुपारी ३.४० पर्यंत

परिणाम -

या ब्लॉकदरम्यान सीएसएमटी येथून सुटणाऱ्या जलद मार्गावरील सेवा ठाणे आणि कल्याणा स्थानकांदरम्यान दरम्यान डाउन धीम्या मार्गावर वळवण्यात येतील. या गाड्या त्यांच्या शेड्यूल थांब्यांव्यतिरिक्त कळवा, मुंब्रा आणि दिवा स्थानकांदरम्यान थांबतील आणि निर्धारित वेळेपेक्षा १० मिनिटे उशिराने गंतव्यस्थानी पोहोचतील. कल्याण येथून सुटणाऱ्या अप जलद सेवा कल्याण आणि ठाणे स्थानकांदरम्यान अप धीम्या मार्गावर वळवल्या जातील. या गाड्या त्यांच्या वेळापत्रकाच्या थांब्यांव्यतिरिक्त दिवा, मुंब्रा आणि कळवा स्थानकांदरम्यान थांबून पुन्हा अप जलद मार्गावर वळवण्यात येतील आणि १० मिनिटे उशिराने गंतव्यस्थानी पोहोचतील.

Ashwini Matekar : ठाकरे गटाला मोठा झटका ! मुख्यमंत्र्यांच्या उपस्थितीत नेत्याचा शिंदे गटात जाहीर प्रवेश

मध्य रेल्वे -

कुठे- ठाणे- वाशी/नेरळ अप आणि डाउन जलद मार्गावर

कधी- सकाळी १०.२५ ते संध्याकाळी ४.०९ पर्यंत

परिणाम -

ब्लॉक कालावधीत ठाणे येथून वाशी,पनवेल/नेरुळला जाणाऱ्या डाऊन ट्रान्सहार्बर मार्गावरील सेवा रद्द राहतील. वाशी,पनवेल, नेरुळ येथून ठाणे करीता सुटणाऱ्या अप हार्बर मार्गावरील सेवा रद्द राहणार आहेत.