मुंबई : सोनसाखळी चोराला अटक

मुंबई : लोकल प्रवाशाच्या गळ्यातील चैन खेचून पलायन करणाऱ्या चोराला पकडण्यात पोलिसांना यश आले आहे. रविवारी ता.२४ रोजी सकाळी साडेदहाच्या सुमारास पश्चिम रेल्वेच्या दादर फलाट क्र. ३ वर विरार-चर्चगेट लोकल आली असता, लोकलमध्ये बसलेल्या प्रवाशाच्या गळ्यातील सोनसाखळी चोरून चोराने पळ काढला.

प्रवाशाने यासंदर्भात मुंबई सेंट्रल रेल्वे पोलिस ठाण्यात तक्रार दाखल केली. त्यानंतर पोलिसांनी चोराचा शोध घेण्यास सुरुवात केली. सीसीटीव्ही फुटेजच्या मदतीने चोराचा मागोवा घेण्यात आला. पोलिसांनी तांत्रिक पद्धतीने तपास करून पाच दिवसात चोराला अटक केली. या चोराकडून २० ग्रॅम वजनाची सोनसाखळी जप्त केली आहे.