मुंबईत दिवसभरात कोरोनाच्या 441 नव्या रुग्णांची भर; 3 जणांचा मृत्यू

मुंबई : आज कोरोनाच्या नवीन रुग्णांचा (corona new patient) आकडा काहीसा वाढला असून 441 नवीन रुग्णांची नोंद झाली. तर आज दिवसभरात 3 रुग्णांच्या मृत्यूची (corona deaths) नोंद झाली. मृतांचा एकूण (Mumbai corona update) आकडा 15,984 वर पोहोचला आहे. आज नोंद झालेल्या मृतांपैकी दोघांना ही आजार होते. तीनही मृत 3 पुरुष होते. शिवाय तिघांचे वय 60 वयोगटाच्या वर होते. कोरोना बाधित रुग्णांची संख्या 7,45,012 वर पोहोचली आहे.

तर दरम्यान, दिवसभरात 205 रुग्णांनी कोरोनावर मात केल्याने आतापर्यंत 7,23,155 रुग्ण कोरोनामुक्त झाले आहेत.त्यामुळे मुंबईत सध्या 3,418 सक्रिय रुग्ण विविध रुग्णालयात उपचार घेत आहेत. दरम्यान आज 37,163 चाचण्या झाल्या असून पॉझिटिव्हीटी दर 1.18 टक्के इतका आहे. आतापर्यंत 93,20,656 एवढ्या झाल्या आहेत. बरे झालेल्या रूग्णांचा दर 97 टक्के असून कोविड वाढीचा दर 0.05 टक्के आहे.मुंबईतील रूग्ण दुपटीचा कालावधी 1446 दिवस असा आहे.