esakal | मुंबईत दिवसभरात कोरोनाच्या ४९६ नव्या रुग्णांची भर; २ जणांचा मृत्यू
sakal

बोलून बातमी शोधा

corona update

मुंबईत दिवसभरात कोरोनाच्या ४९६ नव्या रुग्णांची भर; २ जणांचा मृत्यू

sakal_logo
By
मिलिंद तांबे

मुंबई : आज कोरोनाच्या नवीन रुग्णांचा (Corona new patient) आकडा काहीसा वाढला असून आज 496 नवीन रुग्णांची नोंद झाली. तर आज दिवसभरात मृतांचा (corona deaths) आकडा कमी झाला असून 2 रुग्णांच्या मृत्यूची नोंद झाली. मृतांचा एकूण आकडा 15,993 वर पोहोचला आहे.

हेही वाचा: किनारी मार्गाच्या बोगद्याचे 1 किमीपर्यंतचे खोदकाम 'मावळा'ने केले पूर्ण

आज नोंद झालेल्या मृतांपैकी एकाला  दुर्घकालीन आजार होता.दोघे मयत पुरुष होते. मृतांपैकी एका रुग्णाचे वय 40 त वयोगटाच्या खाली होते तर दुसऱ्या रुग्णाचे वय 60 वयोगटाच्या वर होते. कोरोना बाधित रुग्णांची एकूण संख्या 7,46,346 वर पोहोचली आहे. तर दरम्यान, दिवसभरात बरे होणाऱ्या रुग्णांचा आकडा कमी झाला असून 237 रुग्णांनी कोरोनावर मात केल्याने आतापर्यंत 7,24,077 रुग्ण कोरोनामुक्त झाले आहेत. त्यामुळे मुंबईत सध्या 3,815 सक्रिय रुग्ण विविध रुग्णालयात उपचार घेत आहेत.

दरम्यान आज 43,117 चाचण्या झाल्या असून पॉझिटिव्हीटी दर 1.15 टक्के इतका आहे. आतापर्यंत 93,32,959 एवढ्या झाल्या आहेत. बरे झालेल्या रूग्णांचा दर 97 टक्के असून कोविड वाढीचा दर 0.05 टक्के आहे.मुंबईतील रूग्ण दुपटीचा कालावधी कमी होऊन 1363 दिवस असा आहे.

loading image
go to top