मुंबई : मुंबई उच्च न्यायालयाने दिलेल्या आदेशानंतर मराठा आंदोलकांची सीएसटीएम आणि मुंबई महापालिका मुख्य कार्यालय आणि एकूण फोर्ट परिसरात लावण्यात आलेली विविध वाहने रात्री उशिरा काढून ती जवळ असलेल्या विविध मैदानांवर नेण्याची प्रक्रिया सुरू झाली आहे. .न्यायालयाने दिलेल्या आदेशानंतर ही वाहने काढण्यासाठी मराठा आंदोलकांकडून पुढाकार घेण्यात आला आहे. फोर्ट परिसरातील काढून जवळ असलेल्या विविध मैदानांवर घेऊन जाण्यासाठीच्या सूचना आंदोलकांकडून लाऊड स्पीकर च्या माध्यमातून दिल्या जात आहेत..मागील चार दिवसापासून फोर्ट परिसरामध्ये मराठा आंदोलन कर्त्यांकडून लावण्यात आलेल्या वाहनांमुळे मोठ्या प्रमाणात वाहतूक कोंडी झाली आहे. त्याच पार्श्वभूमीवर आज मुंबई उच्च न्यायालयामध्ये झालेल्या सुनावणी दरम्यान न्यायालयाने या परिसरातील वाहने तात्काळ काढून ती आजूबाजूच्या विविध मैदानांवर पार्किंग करावेत अशा सूचना दिल्या आहेत त्या पार्श्वभूमीवर आंदोलकांकडून सामोपचाराची भूमिका घेत ही वाहने काढण्याची प्रक्रिया सुरू झाली आहे. .यासाठी, मराठा आंदोलक आणि त्यांच्या वाहनांवरून येथे लावण्यात आलेली सर्व वाहने आजूबाजूला असलेल्या विविध मैदानांमध्ये घेऊन जाण्याच्या सूचना लाऊड स्पीकर च्या माध्यमातून दिल्या जात आहेत. न्यायालयाने दिलेल्या आदेशाचे पालन प्रत्येक आंदोलकानी करावे, आपल्याला न्यायालयाकडूनच न्याय मिळणार आहे, अशा प्रकारची माहिती लाऊड स्पीकर वरून दिली जात आहे. यामुळे मंगळवारी सकाळपर्यंत फोर्ट परिसरातील मराठा आंदोलकांची वाहने मोठ्या प्रमाणात येथून बाजूला करून आजूबाजूच्या मैदानांवर त्यांची पार्किंग केली जाण्याची शक्यता आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
