Crime : फसविण्याची नवी शक्कल! दिल्ली पोलिसांच्या वेशात येऊन घातला कोट्यवधीला गंडा...

मुंबई : दिल्ली पोलिसांच्या वेशात येऊन सराफा व्यापाऱ्याच्या कर्मचाऱ्याला कोट्यवधीला गंडा घातल्या प्रकरणी सायन पोलिसांनी गुन्हा नोंदवला आहे. "दिल्ली गुन्हे शाखेचे" अधिकारी म्हणून ओळख सांगणारे चार अज्ञात व्यक्ती गुरुवारी सकाळी ठाण्यात ज्वेलर्स कंपनीत कार्याऱत कर्मचाऱ्याला भेटले.

आपली खोटी ओळख सांगून धमकवून कर्मचाऱ्याकडून 2.62 कोटी रुपयांचे दागिने पळवले. प्रकरणातील पिडीत तक्रारदार हैदराबाद येथील एका ज्वेलर्स कंपनीमध्ये कार्यरत आहे.या प्रकरणी सायन पोलिसांनी गुन्ह्याची नोंद केली आहे.

पिडीत कर्मचारी सायन परिसरात गुरूवारी सकाळी बसची वाट पाहत होता. तेव्हा चार व्यक्ती एका एसयूव्ही गाडीमधून तेथे आले. आपण दिल्ली गुन्हे शाखेचे अधिकारी असल्याचा दावा करत त्या 4 जणांनी पिडीत कर्मचाऱ्याला आपल्यासोबत जाण्यास सांगितले. परंतु त्याने नकार दिला. नकार देताच त्यांनी पिडीत व्यक्तीला एसयूव्ही गाडीमध्ये मध्ये जबरदस्ती करून बसवले आणि गाडी वेगाने चालवत पसार झाले.

वाटेत पिडीत कर्मचाऱ्याला आरोपीनी बेदम मारहाण केली. तसेच त्याच्याकडे असलेले सोन्याचे आणि हिऱ्याने जडलेले दागिने काढून घेत त्याला भिवंडीतील एका रस्त्यावर टाकले. या प्रकरणी सायन पोलीस अधिक तपास करत आहेत.