Crime : माटुंगा बाल गृहात अल्पवयीन मुलीवर लैंगिक अत्याचार

मुंबई - माटुंगा बालसुधारगृहात असणाऱ्या 10 वर्षीय मुलावर 14 वर्षीय सह कैद्याने लैंगिक अत्याचार केल्याची घटना समोर आली आहे. माटुंगा पोलिसांनी या प्रकरणात पोक्सो कलमांतर्गत केला गुन्हा दाखलप्रकरणी मुंबई पोलिसांनी तपास सुरू केला आहे. बालसुधारगृहातील अल्पवयीन मुलानेच अनैसर्गिक अत्याचार केल्यानंतर पिडीत मुलाला त्रास होऊ लागल्यानंतर त्याने केली बालसुधारगृहाच्या कर्मचाऱ्यांकडे तक्रार केली आणि त्यातून घटना उघडकीस आली.

माटुंगा पोलिसांच्या प्राथमिक चौकशीनुसार सोमवारी 27 फेब्रुवारी रोजी 14 वर्षांच्या विशेष मुलाने 10 मुलावर लैंगिक अत्याचार केले . जेव्हा मुलाने त्याच्या गुप्तांगांमध्ये वेदना होत असल्याची तक्रार केली तेव्हा बालसुधार गृहातील अधिकाऱ्यांना सुरुवातीला लैंगिक अत्याचाराच्या संदर्भात संशय आला नाही. वेदना थांबण्यासाठी पिडीत मुलाला बालसुधार गृहातील अधिकाऱ्यांनी औषधे दिली.

परंतु तो सतत वेदना होत असल्याची तक्रार करत असल्याने त्याला अखेर रुग्णालयात नेण्यात आले. डॉक्टरांनी त्याची तपासणी केली आणि त्याच्यावर लैंगिक अत्याचार झाल्याचे आढळून आले. रुग्णालय प्रशासनाने पोलिसांना कळवल्यानंतर शुक्रवारी माटुंगा पोलीस ठाण्यात पोकसो अंतर्गत गुन्हा दाखल करण्यात आला. पोलिसांनी 14 वर्षांच्या आरोपी मुलगा आधीच बालगृहात असल्यामुळे त्याला ताब्यात घेतले नाही . पोलीस या प्रकरणातील अधिक पुरावे गोळा करण्याचा प्रयत्न करत आहेत.