Mumbai : मुंबईतील 'या' महामार्गावर मोठी वाहतूक कोंडी; 5 किलोमीटर पर्यंत लागल्या वाहनांच्या रांगा

मुंबईतील पूर्व द्रुतगती महामार्गावर (Mumbai East Expressway) मोठी वाहतूक कोंडी निर्माण झाली आहे. कांजूरमार्ग ते मुलूंडपर्यंत (Kanjur to Mulund) मोठ्या प्रमाणात वाहतूक कोंडी झाली आहे.

कांजूरमार्ग विभागात बसच्या अपघातामुळं (Bus Accident) ही वाहतूक कोंडी निर्माण झाली असून मार्गावर गाड्यांच्या लांबच लांब रांगा लागल्या आहेत.

जवळपास 3 ते 5 किलोमीटर पर्यंत वाहनांच्या रांगा लागल्या असून प्रवाशांसह वाहनधारकांची मोठी गैरसोय होत आहे. दरम्यान, अपघातानंतर अपघातग्रस्त बस आणि चारचाकी वाहनं हटवलं आहे. यामुळे मुंबई पूर्व द्रुतगती महामार्गावरील वाहतूक कोंडी कमी होईल अशी शक्यता आहे.