मुंबईत लस घोटाळा: नेस्को सेंटरमधील गुडिया यादवला अटक

मुंबई: मुंबईत बोगस लसीकरणाचे (Mumbai fake vaccination) काही प्रकार समोर आले असून आता या प्रकरणात पोलीस कारवाई सुरु आहे. सर्वप्रथम कांदिवलीतील गृहनिर्माण सोसायटीत (kandivali society) बोगस लसीकरणाची घटना घडली. त्यानंतर टिप्स कंपनी, बोरिवलीतील कॉलेजमध्ये बोगस लसीकरण झाल्याचे समोर आले. (Mumbai fake vaccination scam nesco center employee arrest by mumbai police)

मुंबई पोलिसांनी या प्रकरणी आता गोरेगावच्या नेस्को सेंटर मध्ये काम करणाऱ्या एका महिला कर्मचाऱ्याला अटक केली आहे. ही महिला नेस्को कोविड सेंटर मध्ये कंत्राटी पद्धतीने काम करत असून ही या प्रकरणात झालेली सहावी अटक आहे.

पोलिसांनी बुधवारी रात्री ही कारवाई केली असून गुडिया यादव असे या आरोपीचे नाव आहे. गुडियाने नेस्को कोविड सेंटरच्या कोविन अँप्लिकेशनचा युजरनेम आणि पासवर्ड चोरी केला होता. हा युजर नेम आणि पासवर्ड नेस्को सेंटरचा असून तो गुन्ह्यात वापरला गेल्याचे पोलिस चौकशीत समोर आले आहे.