सबस्क्राईब करा
नार्कोटिक्स कंट्रोल ब्युरोच्या मुंबई झोनल युनिटने आंतरराज्य ड्रग्ज सिंडिकेटचा पर्दाफाश केला आहे.
मुंबई - नार्कोटिक्स कंट्रोल ब्युरोच्या मुंबई झोनल युनिटने आंतरराज्य ड्रग्ज सिंडिकेटचा पर्दाफाश केला आहे. एनसीबीने केलेल्या कारवाईत ठाणे जिल्ह्यातील भिवंडीतून 4.5 कोटी रुपयांचे मेफेड्रोन जप्त केले. 30 एप्रिल रोजी अमली पदार्थाच्या जप्तीनंतर सिंडिकेटचा म्होरक्या आयजीएन अन्सारीसह पीएस वीर आणि रोहन या अन्य दोन आरोपींना भिवंडीत अटक करण्यात आली.
या छाप्यात 36 लाख रुपये रोख आणि 7.8 लाख रुपये किमतीचे सोनेही जप्त करण्यात आल्याचे अधिकाऱ्याने सांगितले. मिळालेल्या माहितीनुसार, एनसीबीला माहिती मिळाली होती की, ठाणे परिसरातून हे सिंडिकेट कार्यरत असून ते इतर राज्यांतून मुंबई, ठाणे आणि आसपासच्या भागात पुरवले जात होते. या माहितीच्या आधारे गुप्तचरांनी छापे टाकण्यास सुरुवात केली.
रविवारी, एनसीबीच्या अधिकाऱ्यांनी ठाण्यातील भिवंडी परिसरात सापळा रचून पीएस वीर आणि रोहन के या दोघांना ड्रग्ज खरेदी करताना रंगेहात पकडले. त्यांच्या ताब्यातून एनसीबीने दोन किलो मेफेड्रोन जप्त केले. चौकशीदरम्यान, आरोपींनी आयजीएन अन्सारी नावाच्या त्यांच्या अमली पदार्थ पुरवठादाराची माहिती उघड केली. अन्सारीला पकडण्यासाठी एनसीबीचे पथक तातडीने त्याच्या भिवंडीतील घरी पोहोचले आणि त्याला पकडले. एनसीबीच्या पथकाला अन्सारीच्या घरातून 36 लाख रुपये रोख आणि 7.8 लाख रुपये किमतीचे 147 ग्रॅम सोने सापडले, जे जप्त करण्यात आले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.