Mumbai Lift Collapsed : विक्रोळीत २३ व्या मजल्यावरून लिफ्ट कोसळली, एक ठार; काही कामगार अडकले

Parking Lift Collapsed In Mumbai Vikroli Area : मुंबईतील विक्रोळी परिसरात लिफ्ट कोसळून भीषण अपघात झाला आहे.

हेही वाचा: ५० वर्षांनंतर ज्येष्ठ नागरिकांची संख्या होणार तरुणांच्या दुप्पट

या घटनेत एका व्यक्तीचा मृत्यू झाला असून, काही कामगार लिफ्टखाली अडकल्याची भीती व्यक्त केली जात आहे.

मुंबईतील विक्रोळी परिसरात सिद्धीविनायक सोसायटीची ही पार्किक लिफ्ट असून, इमारतीच्या २३ व्या मजल्यावरून ही लिफ्ट अचानक कोसळल्याचे सांगितले जात आहे.

मिळालेल्या प्राथमिक माहितीनुसार, विक्रोळीतील २३ मजली सिद्धीविनायक सोसायटीत हायड्रोलिक पार्किंग लिफ्टचे काम सुरू होते. त्यावेळी अचानक लिफ्ट २३ व्या मजल्यावरू कोसळली.

घटनेवेळी लिफ्टमध्ये चार कामगार बसलेले होते. त्यातील एका कामगाराचा मृत्यू झाला असून, इतर तीन कामगारांना वाचवण्यात स्थानिक पोलीस आणि अग्नीशमन दलाच्या जवानांना यश आले आहे.

दरम्यान, इमारतीत सुरू असलेल्या लिफ्टचे काम अनाधिकृत असल्याचा आरोप स्थानिकांनी केला आहे. त्यामुळे प्रशासन आणि पोलीस यावर नेमकी काय कारवाई करणार हे पाहणे महत्त्वाचे ठरणार आहे.