Mumbai Local: प्रतिक्षा संपली; खारकोपर-उरण मार्गावर आजपासून धावणार लोकल!

Mumbai Local: बहुप्रतिक्षित खारकोपर-उरण रेल्वे मार्गिकेचे शुक्रवारी पंतप्रधान नरेंद्र मोदी यांच्या हस्ते उद्घाटन केल्यानंतर आजपासून सर्वसामान्य प्रवाशांसाठी लोकल धावणार आहे.

या नव्या मार्गिकेवर लोकल सेवांचे वेळापत्रक जाहीर करण्यात आले आहे. दररोज अँप- डाऊन मार्गावर एकूण ४० लोकल फेर्‍या चालविण्यात येणार आहेत.

उरणहून बेलापूर आणि नेरूळसाठी दर अर्ध्या तासाने गाडी सुटणार आहे. तर बेलापूर आणि नेरूळहून दर एका तासाने लोकल उरणसाठी सुटणार आहे.

दरम्यान सकाळी आणि सायंकाळी गर्दीच्यावेळी दहा फेर्‍या चालवल्या जाणार आहेत. या गाड्या शेमटीखार, न्हावा शेवा और द्रोणागिरी या स्थानकांवर थांबणार आहेत.