Mumbai Local News: पश्चिम रेल्वेवर तीन दिवस मेगाब्लॉक; गाडयांना होणार उशीर

Mumbai Local News: पश्चिम रेल्वेच्या सफाळे स्थानकादरमान्य रोड ओव्हर ब्रिजच्या आणि गर्डर टाकण्यासाठी सोमावर ते बुधवारपर्यत दररोज मध्य रात्री १ तास १५ मिनिटाचा मेगाब्लॉक घेण्यात येणार आहे. त्यामुळे मुंबई येणाऱ्या मेल- एक्सप्रेस गाडयांना उशीर होणार आहे.

पश्चिम रेल्वेने दिलेल्या माहितीनुसार,सफाळे स्थानकांवरील रोड ओव्हर ब्रिजचे गर्डर टाकण्यासाठी १२,१३ आणि १४ फेबुवारी २०२४ रोजी दररोज मध्य रात्री १. ५० ते मध्य रात्री ३.०५ वाजेपर्यत मेगाब्लॉक घेण्यात येणार आहे.

हा ब्लॉक केळवे रोड ते सफाळे दरम्यान असणार आहे. या ब्लॉक कालावधीत ट्रेन क्रमांक १९०३८ रौनी-बांद्रा टर्मिनस अवध एक्सप्रेस ४० मिनिटे थांबविण्यात येणार आहे. तर ट्रेन क्रमांक २२९४६ ओखा-मुंबई सेंट्रल सौराष्ट्र मेलला ४० मिनिटे, ट्रेन क्रमांक ११०८७ वेरावल-पुणे एक्सप्रेस ४० मिनिटे नियमित केली जाणार आहे.

ट्रेन क्रमांक ०९६२१ अजमेर-वांद्रे टर्मिनस १२ फेब्रुवारी २०२४ चा साप्ताहिक स्पेशल ४० मिनिटे, १२ आणि १४ फेब्रुवारी २०२४ ची ट्रेन क्रमांक १९००४ भुसावळ-बोरिवली एक्सप्रेस ४० मिनिटे सेक्शनमध्ये थांबविण्यात येणार आहे. त्यामुळे मुंबई येणाऱ्या अनेक मेल- एक्सप्रेस गाडयांना फटका बसणार आहे.