मुंबई, ता. 8 : मुंबई रेल्वे विकास महामंडळ (MRVC) यांच्याद्वारे होणाऱ्या मुंबई नागरी परिवहन प्रकल्प (MUTP) प्रकल्पांना मागील वर्षीपेक्षा 100 कोटींची जास्तीची तरतूद यंदाच्या केंद्रीय अर्थसंकल्पात करण्यात आली आहे. त्यामुळे एमयूटीपीतील प्रकल्प मार्गी लागतील. एमयूटीपी 3-अ मधील हार्बर मार्गावरून गोरेगाव ते बोरिवलीपर्यंत रेल्वे मार्गाचा विस्तार करण्याच्या कामाला गती मिळणार आहे. कारण, एमयूटीपी 3-अ च्या प्रकल्पांना १०० कोटींची तरतूद करण्यात आली आहे.
CSMT वरून हार्बरच्या प्रवाशांना गोरेगावपर्यंतच प्रवास करता येतो. हार्बरचा विस्तार गोरेगावपर्यंत करण्यासाठी एप्रिल 2018 उजाडावे लागले. अंधेरी ते गोरेगाव हार्बरच्या मूळ योजनेची घोषणा 2009 मध्ये करण्यात आली होती. परंतु, ही कामे पूर्ण करायला डिसेंबर 2017 पर्यंतची वाट पाहावी लागली. प्रत्यक्षात एप्रिल 2018 मध्ये गोरेगावपर्यंत हार्बर लोकल धावायला लागली. तर, आता हार्बरचा बोरिवलीपर्यंत विस्तार करण्याची योजना एमयूटीपी 3-अ अंतर्गत आखण्यात आली आहे. यासाठी 825.58 कोटी रुपयांचा खर्च येणार आहे.
यंदाच्या केंद्रीय अर्थसंकल्पात एमयूटीपीच्या प्रकल्पांना चालना देण्यासाठी 650 कोटी रुपयांच्या निधीची तरतूद केली आहे. यापैकी एमयूटीपी 3 (अ) तब्बल 100 कोटीची तरतूद करण्यात आली आहे. त्यामुळे यामार्गवरील विस्तार झाल्यास सीएसएमटीतून बोरीवलीपर्यंतही प्रवास करणे शक्य होणार आहे.
पश्चिम रेल्वेच्या अंधेरी आणि बोरिवलीचा विभाग अत्यंत गर्दीचा मार्ग म्हणून ओळखला जातो. येथे लोकलला सर्वाधिक गर्दी असते. हार्बर रेल्वे मार्गाचा विस्तार अंधेरी ते बोरिवलीपर्यंत झाल तर, प्रवाशांना पर्यायी मार्ग उपलब्ध होऊन पश्चिम रेल्वेच्या लोकलमधील गर्दी कमी होण्यास मदत होणार आहे, अशी प्रतिक्रिया प्रवाशांनी दिली.
हार्बर मार्ग सीएसएमटी ते विरारपर्यंत करण्याची योजना
पश्चिम रेल्वे मार्गावरील बोरीवली ते विरारपर्यंत पाच आणि सहा मार्गिका बनविण्याचे नियोजन एमयूटीपी 3 य अ मध्ये करण्यात आले आहे. सध्या बोरिवलीपर्यत पाच मार्गिका आहेत. तर, सहावा मार्गही होणार आहे. तर, आणखी हार्बरच्या दोन मार्गिकांचीही भर पडेल. त्यामुळे आठ मार्गिका बोरीवलीपर्यंत होतील. बोरीवलीपर्यंत हार्बरचा मार्ग तयार झाल्यानंतर हा मार्ग विरारपर्यंतही हार्बरवरून नेण्याची योजना रेल्वे प्रशासनाकडून केला जात आहे. यामुळे प्रवाशांना प्रवास करणे सोयीस्कर होणार आहे.
mumbai local train news now travel by harbor train to borivali permission for extension
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.