Mumbai Local: रेल्वेच्या तिन्ही मार्गांवर अपघाताच्या घटना, ऐन गर्दीच्या वेळी लोकलचा खोळंबा; प्रवाशांचे हाल

मुंबई : उपनगरी रेल्वे सेवेतील अडथळ्यांचे सत्र गुरुवारीही सुरूच राहिले. पश्चिम रेल्वेच्या वांद्रे-माहीमदरम्यान रुळालगत साचलेल्या कचऱ्याला आग लागली, मध्य रेल्वेच्या मुख्य मार्गावर खडकी-इंदूर विशेष एक्स्प्रेसची आपत्कालीन साखळी ओढण्यात आली, तर हार्बर मार्गावर स्वयंचलित इशारा प्रणाली सक्रिय झाल्याने पनवेल लोकल थांबवावी लागली. एकाच दिवशी घडलेल्या या तीन घटनांमुळे रेल्वे वाहतुकीवर परिणाम झाला.