Mumbai local Viral Video : मुंबई लोकलमधला स्टंटमॅन झाला वायरल ; पोलिसांनी दिली कारवाईची ग्वाही

Mumbai local Viral Video : मुंबईची लाईफलाईन असलेल्या लोकलमध्ये नागरिक नेहमीच जीव धोक्यात घालून प्रवास करताना पाहायला मिळतात.गर्दीच्या वेळी लोकलमधून नागरिकांना जीव धोक्यात घालून प्रवास करावा लागतो. मात्र एका रिकाम्या लोकलमध्ये एक तरुण धोकादायक स्टंट करत असल्याचा व्हिडिओ सध्या सोशल मीडियावर व्हायरलं होत आहे.

कुर्ला ते मानखुर्द (हार्बरलाईन) या मुंबई लोकल ट्रेनमध्ये एक धक्कादायक व्हिडिओ समोर आला आहे. या व्हिडिओमध्ये एक तरुण धोकादायक स्टंट करताना दिसून येत आहे. धावत्या लोकलमध्ये हा तरुण लोकलच्या पायऱ्यांवर स्टंट करताना पाहायला मिळत आहे

या व्हिडिओमध्ये हा तरुण लोकलच्या पायऱ्यांवर उभा राहून प्रवास करत आहे. यामध्ये असेही समजत आहे की हा डब्बा रिकामा आहे. रिकामा डबा असतानाही हा तरुण जोखीम घेऊन प्रवास करत आहे.

या ठिकाणी जर हा डबा रिकामा नसता तर नागरिकांनी नक्कीच तरुणाला हे करण्यापासून रोखले असते. मात्र या बेजाबदार तरुणाचा व्हिडिओ सध्या सोशल मीडियावर व्हायरल होत आहे.

जसवंत सिंग या व्यक्तीने या तरुणाचा व्हिडिओ काढला असून मुंबई लोकलमध्ये सुरू असलेला हा प्रकार उघडकीस आणला आहे. या व्हिडिओला पाहून आरपीएफ म्हणजेच रेल्वे प्रोटेक्शन फोर्स यांनी मुंबई डिव्हिजन यांनी संबंधित व्यक्तीवर कारवाई केली जाईल असे उत्तर दिले आहे.