Atul Bhatkhalkar : मुंबईतील मराठी टक्का घटवणाऱ्यांची चौकशी करा

मुंबई - मुंबई महानगरपालिकेच्या मराठी शाळांमधील सुमारे 2,051 पदे गेल्या तीन-चार वर्षांपासून रिक्त आहेत. मुंबईतील मराठी टक्का घटवण्याच्या मागे कोण आहे? याची चौकशी करून रिक्त जागा भरण्याबाबत शासनाने निवेदन करावे, अशी मागणी भाजप नेते आमदार अतुल भातखळकर यांनी आज विधानसभेत केली.

महानगरपालिकेच्या मराठी शाळांमध्ये 3,213 पदे मंजूर असून त्यातील 2,051 पदे रिक्त आहेत. मुंबईतील मराठी माध्यमाच्या शाळा बंद करून पब्लिक स्कूलच्या नावाखाली इंग्रजी माध्यमातील शाळा चालू करण्याचा निर्णय मुंबई महापालिकेने गेल्या पाच वर्षांत घेतला होता. मात्र आताचे हे सरकार मराठीला प्राधान्य देणार आहे. या पार्श्वभूमीवर मुंबईतील मराठी टक्का घटवण्याच्या मागे कोण आहे, याची चौकशी केली पाहिजे तसेच या रिक्त जागा भरण्याबाबत सरकारने निवेदन करावे, अशी मागणी भातखळकर यांनी केली.