मुंबईच्या पहिल्या भूमिगत मेट्रो मार्गिका असलेल्या अक्वा लाइन 3 वर बुधवारी नेटवर्कच्या समस्येमुळे मोबाइल फोन सेवा पूर्णपणे ठप्प झाल्याने प्रवाशांना मोठ्या अडचणींचा सामना करावा लागला. या मार्गावरील प्रवाशांना ऑनलाइन तिकीट खरेदी, डिजिटल पेमेंट तसेच कॉल आणि मेसेजेसच्या सुविधा उपलब्ध होऊ शकल्या नाहीत. या समस्येमुळे प्रवाशांमध्ये नाराजी पसरली असून, मेट्रो प्रशासनाने तात्पुरता उपाय म्हणून प्रवाशांना ऑफलाइन मोडमध्ये मेट्रो अॅपद्वारे तिकीट खरेदी करण्याचा सल्ला दिला आहे.