उडता गुजरात! पुन्हा एकदा १०२६ कोटींचं ७०४ किलो ड्रग्ज जप्त

मुंबईच्या अंमली पदार्थ विभागानं गुजरातमधून ७०४ किलोहून अधिक ड्रग्ज जप्त केलं आहे. याची अंदाजे किंमत १०२६ कोटी असल्याचं सांगितलं जात आहे. पोलिसांनी या प्रकरणी ७ जणांना अटकही केली आहे.

मुंबईच्या अंमली पदार्थ विभागाच्या वरळी युनिटने १०२६ कोटी किमतीचे एमडी ड्रग्ज जप्त केलं आहे. हे ड्रग्ज गुजरात राज्याच्या भरूच जिल्ह्यातील अंकलेश्वर तालुक्यातून जप्त केलं आहे. या प्रकरणी पोलिसांनी एकूण ७ जणांना अटक केली आहे

गुजरातच्या एका कारखान्यात रासायनिक पदार्थांच्या मिश्रणातून हे अंमली पदार्थ बनवले जात होते. अंदाजे ७०४ किलोहून अधिक वजनाचे हे ड्रग्ज असल्याची माहिती पोलिसांनी दिली आहे. या आधीही अनेकदा गुजरातमधून अशा प्रकारे ड्रग्जचा साठा मोठ्या प्रमाणावर आढळून आला आहे. त्यामुळे आता पुन्हा एकदा गुजरात चर्चेत आलं आहे.