रात्री थंडी, दिवसा अंगाची लाही लाही; वाढलेल्या उष्णतेबाबत हवामान विभागाचा पुढील अंदाज काय ?

मुंबई, ता. 8 : मुंबईतील कमाल तापमानात फारसा बदल झाला नसला तरी आर्द्रतेच्या प्रमाणात घट झाली आहे. त्यामुळे मुंबईसह राज्यातील कमाल तापमानात वाढ होण्याची शक्यत असून उकाडा अधिक जाणवणार असल्याचा अंदाज प्रादेशिक हवामान विभागाने वर्तवला आहे. 

महत्त्वाची बातमी : रेल्वेबाबत खास आकर्षणाचा विषय असणाऱ्या 'त्या' विभागात आहे नोकरीची संधी, 77 स्थानकांवर भरणार जागा

मुंबईत सध्या रात्री थंड तर दिवसा गरम वातावरण असल्याचे दिसते. रविवारच्या तुलनेत मुंबईतील तापमानात फारसा फरक जाणवला नाही. सांताक्रूझ येथे कमाल तापमान 35.6 अंश तर कुलाबा येथे कमाल तापमान 32.2 अंश सेल्सियस नोंदवले गेले. आद्रता मात्र कमी झाली असून सांताक्रूझ परिसरातील आद्रता 86 वरून 59 टक्क्यांवर तर कुलाबा परिसरातील आद्रता 93 वरून 68 टक्क्यांवर खाली आली आहे. 

महत्त्वाची बातमी : Maharashtra Budget 2021 : अर्थमंत्री अजित पवारांनी बजेटमध्ये मुंबईबद्दल मांडलेले २० महत्वाचे मुद्दे

विदर्भातील काही भागात किमान तापमानात वाढ होण्याची शक्यता आहे. पुढील दोन दिवसात विदर्भामधील काही परिसरातील काही भागात किमान तापमान वाढणार असल्याचा अंदाज प्रादेशिक हवामान विभागाने व्यक्त केला आहे. यामुळे राज्यभरातील कमाल तापमानात आणखी वाढ होण्याची शक्यता आहे.

mumbai news drop in humidity read what IMD saying about further weather prediction